Python Viral Video: अवघ्या 22 वर्षाच्या मुलाने पकडला 19 फूट लांबीचा अजगर; पाहा अंगावर काटा आणणारा व्हिडिओ (Watch)

सापांच्या विविध प्रजातींपैकी बऱ्याच इतक्या धोकादायक आहेत की, त्यांच्या विषाचा एक थेंब देखील मनुष्याला मारण्यासाठी पुरेसा आहे. अशात जवळजवळ सर्वजणच साप-अजगर अशा प्राण्यांपासून दूर राहणेच पसंत करतात. आता एका महाकाय अजगराचा एक व्हिडिओ सोशल मीडियावर मोठ्या प्रमाणात व्हायरल होत आहे, ज्यामध्ये एका 22 वर्षांच्या मुलाने 19 फूट लांबीचा महाकाय अजगर धरलेला दिसत आहे. माहितीनुसार, हा व्हिडिओ अमेरिकेमधील आहे, जिथे 22 वर्षीय जेक व्हॅलेरीने फ्लोरिडातील झुडूपातून अजगराची शेपटी खेचत त्याला ओढले. त्यानंतर अजगराने आपले तोंड उघडून त्याच्यावर वार केला, परंतु तेव्हा या धाडसी मुलाने अजगराचा गळा पकडला. व्हायरल व्हिडिओमध्ये हा मुलगा अजगराचा गळा पकडताना दिसत आहे. त्यानंतर हा अजगर मुलाच्या अंगाला वेटोळे घालू लागतो व नंतर रेस्क्यू टीम मुलाची अजगराच्या तावडीतून सुटका करते. (हेही वाचा: Snake Snake: दुचाकीमध्ये अडकलेल्या सापाला जीवदान, पाहा व्हिडिओ)