राज्यातील सोलापूर येथून एका भीषण अपघाताची बाब समोर आली आहे. या ठिकाणी टोल भरणा टाळण्याच्या प्रयत्नात ट्रकने टोल प्लाझावरील कर्मचाऱ्याला चिरडून ठार केल्याची धक्कादायक घटना घडली आहे. सोलापूर जिल्ह्यातील मोहोळ ते पंढरपूर या मार्गावर आज पहाटेच्या सुमारास ही धक्कादायक घटना घडल्याचे सांगण्यात येत आहे. टोल प्लाझावर लावण्यात आलेल्या सीसीटीव्ही फुटेजमध्ये हा गुन्हा कैद झाला आहे. हे फुटेज सोशल मीडियावर समोर आले आहे. व्हिडीओमध्ये दिसत आहे की, टोल नाक्यावर कर्मचारी उभे आहेत, इतक्यात एक ट्रक भरधाव वेगाने येतो आणि कर्मचाऱ्यांना धडक देतो. त्यानंतर तो तिथून पलायन करतो. या घटनेत कर्मचाऱ्याचा मृत्यू झाला आहे. उपलब्ध माहितीनुसार, या घटनेत पोलिसांत गुन्हा दाखल झाला असून, तपास सुरु आहे. या घटनेने राज्यातील रस्ता सुरक्षा तसेच कायदा व सुव्यवस्थेवर प्रश्नचिन्ह निर्माण झाले आहे. (हेही वाचा: UP Accident Video: भरधाव कारची टोल प्लाझा कर्मचाऱ्याला धडक, घटना सीसीटीव्ही कैद)

ओव्हरस्पीड ट्रकने कर्मचाऱ्याला चिरडून ठार मारले-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)