Nashik Crime: नाशिक पोलिसांच्या तावडीतून फिल्मी स्टाईलने निसटून गेला होता प्राणघातक हल्ला प्रकरणातील आरोपी; अवघ्या 24 तासांत पुन्हा घेतले ताब्यात (Video)
भ्रदकाली पोलिसांनी क्रिश शिंदे या आरोपीला अटक केली होती. त्याला न्यायालयाने चार दिवसांची पोलीस कोठडी सुनावली व त्यानंतर पोलीस त्याला ठाण्यात आणत असताना तो पोलिसांच्या हातून निसटला.
नाशिक पोलिसांच्या तावडीतून प्राणघातक हल्ला प्रकरणातील एक आरोपी, अगदी फिल्मी स्टाईलने निसटून गेल्याची घटना घडली होती. याचा एक व्हिडीओदेखील समोर आला होता, ज्यामध्ये आरोपी पोलिसांच्या हाताला हिसका देऊन, हवेत सूर मारून मित्राच्या स्कूटरवरून जाताना दिसतो. क्रिश किरण शिंदे असे या आरोपीचे नाव असून, तो मंगळवारी (29 एप्रिल) दुचाकीचालक साथीदाराच्या मदतीने फरार झाला होता. आता पोलिसांनी अवघ्या 24 तासांत त्याला शोधून काढले असून, इगतपुरी भागातील जंगलाच्या परिसरातून त्याला ताब्यात घेतले.
अहवालानुसार, भ्रदकाली पोलिसांनी क्रिश शिंदे या आरोपीला अटक केली होती. त्याला न्यायालयाने चार दिवसांची पोलीस कोठडी सुनावली व त्यानंतर पोलीस त्याला ठाण्यात आणत असताना तो पोलिसांच्या हातून निसटला. त्याचवेळी त्याचा मित्र किरण युवराज परदेशी हा दुचाकी घेऊन त्याची वाट पाहत होता. क्रिश त्याच्या दुचाकीवर बसून पळून गेला. क्रिशने स्कुटीवर उडी घेत धूम ठोकली व यामुळेच हे सीसीटीव्ही फुटेज सोशल मीडियावर एकदम व्हायरल झाले. तपोवन रोडवरील जयशंकर चौकात फिर्यादी अमोल अरुण हिरवे यांच्यावर कोयत्याने हल्ला प्रकरणी, संशयित क्रिश शिंदेला ताब्यात घेतले होते. (हेही वाचा: New Metro Variant for Nashik City: नाशिक शहरासाठी मेट्रोचा नवीन कॉम्पॅक्ट प्रकार शोधण्यास महा मेट्रोची सुरुवात; शासनाला पाठवला जाणार नवा आराखडा)
Nashik Crime:
नासिक : पुलिस की गिरफ्त से फिल्मी स्टाइल में भागा चोर
◆ आरोपी पुलिस के साथ वैन में था, अचानक मौका पाकर पहले से ही इंतजार कर रहे दोस्त की स्कूटी से फरार हो गया#Nashik | Nashik Police pic.twitter.com/RcJYUNbUOW
— News24 (@news24tvchannel) May 1, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 01, 2025 08:41 PM IST. For more news and updates on politics, world, sports, entertainment and lifestyle, log on to our website latestly.com).
