Nashik: सिटीलिंक शहर बससेवेत भाडेवाढ; आज रात्रीपासून नवे दर लागू, नागरिकांनी सहकार्य करण्याची महापालिकेची विनंती

नाशिकच्या सिटीलिंक शहर बससेवेत भाडेवाढ करण्यात आली आहे. दिनांक 15 फेब्रुवारी 2023 च्या मध्यरात्रीपासून ही नवीन भाडेवाढ लागू होईल. हा निर्णय नाशिक महानगर परिवहन महामंडळ लि. अर्थातच सिटीलिंकच्या वतीने घेण्यात आला आहे. नाशिक महानगरपालिकेने दिलेल्या माहितीनुसार वाढणारे इंधन दर, परिणामी वाढणारा आर्थिक तोटा लक्षात घेता ही भाडेवाढ करण्यात आली आहे. आवश्यक सर्व सक्षम प्राधिकरणाच्या मान्यतेनंतर ही भाडेवाढ लागू करण्याचा निर्णय घेण्यात आला आहे. यामध्ये वाढलेले इंधन दर बघता तसेच प्रवासी हिताचा विचार करता कोणतीही अतिरिक्त भाडेवाढ न करता केवळ नियमांनुसार भाडेवाढ करण्यात आलेली आहे.