Mumbai Local Train: सीएसएमटी स्थानकात प्रवेश करताना लोकल रुळावरुन घसरली; हार्बर मार्गावरील सेवा विस्कळीत

Mumbai Local Train: सोमवारी सकाळी 11:35 च्या सुमारास पनवेल-सीएसएमटी लोकल ट्रेन मुंबईच्या छत्रपती शिवाजी महाराज टर्मिनस (सीएसएमटी) येथे प्लॅटफॉर्म 2 मध्ये प्रवेश करत असताना अनपेक्षित अपघात झाला. लोकलचा दुसरा डबा रुळावरून घसरला त्यामुळे लोकल ट्रेनच्या सुरळीत कामकाजात व्यत्यय आला. डबा रुळावरून घसरल्याने सीएसएमटी ते वडाळा दरम्यान हार्बर मार्गावरील रेल्वे सेवा तात्पुरती स्थगित करण्यात आली आहे. मात्र, हार्बर लाईनच्या उर्वरित भागांत प्रवास करणारे प्रवासी लोकल ट्रेन सेवेचा लाभ घेऊ शकतात. हार्बर लाईन सेवेतील व्यत्ययामुळे मध्य रेल्वेच्या मुख्य मार्गावरील लोकल सेवेवर कोणताही परिणाम झालेला नाही. प्रशासनाने प्रवाशांना अप आणि डाउन दिशेने सीएसएमटी आणि कुर्ला विभागादरम्यान मेनलाइनवरून प्रवास करण्याचे आवाहन केले आहे. (हेही वाचा: Maharashtra Weather : राज्यात पुढचे ४ दिवस उष्णतेची लाट, मराठवाड्यात गारपीटीचा इशारा; हवामान विभागाचा अंदाज)

पहा पोस्ट- 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)