Mumbai Coastal Road Project: गिरगाव चौपाटी ते प्रियदर्शनी पार्क मार्गावरील दुसऱ्या बोगद्याचे खनन काम पूर्ण; कार्यक्रमाला CM Eknath Shinde आणि DCM Devendra Fadnavis यांची उपस्थिती (Watch)

मुंबई शहरातील नागरिकांची वाहतूक कोंडीतून मुक्तता करणाऱ्या कोस्टल रोडवरील गिरगाव चौपाटी ते प्रियदर्शनी पार्क या मार्गावरील दुसऱ्या बोगद्याचे खनन काम आज पूर्ण झाले. भारतातील सर्वात मोठे टीबीएम मशीन असलेल्या ‘मावळा’ या मशीनच्या सहाय्याने ही मोहीम फत्ते करण्यात आली. यावेळी मुख्यमंत्री एकनाथ शिंदे व उपमुख्यमंत्री देवेंद्र फडणवीस उपस्थित होते. कोस्टल रोडचे खनन आता 100 टक्के पूर्ण झाले असून, येत्या वर्षाखेरीस हा प्रकल्प पूर्ण होऊन मुंबईकरांच्या सेवेत दाखल होईल असा विश्वास मुख्यमंत्र्यांनी व्यक्त केला.

मुंबईतील प्रिन्सेस स्ट्रीट उड्डाणपूल ते वांद्रे वरळी सागरी सेतू यादरम्यान बनलेल्या या रस्त्यामुळे नागरिकांच्या वेळेची बचत होणार असून त्यांचा प्रवास अधिक सुलभ आणि गतिमान होणार आहे. हा मार्ग शिवडी-न्हावाशेवा कोस्टल रोडला देखील जोडण्यात येणार असून पुढे तो भाईंदर विरार पर्यंत वाढवून पश्चिम उपनगरात राहणाऱ्या नागरिकांना पर्यायी मार्ग देण्याचा प्रयत्न करण्यात येणार असल्याचे यासमयी बोलताना सीएम शिंदे यांनी सांगितले. (हेही वाचा: राज्य सरकार शेतकऱ्यांना देणार वार्षिक 6,000 रुपये; राज्य मंत्रिमंडळ बैठकीत निर्णय)

#WATCH | Maharashtra Chief Minister Eknath Shinde and Deputy CM Devendra Fadnavis attend the breakthrough event of the second underground tunnel of the Mumbai Coastal Road Project, conducted at Priyadarshini Park near Breach Candy. pic.twitter.com/T8GLfbhKdU

— ANI (@ANI) May 30, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on May 30, 2023 07:50 PM IST. For more news and updates on politics, world, sports, entertainment and lifestyle, log on to our website latestly.com).