Maharashtra Assembly Elections: महाराष्ट्र विधानसभा निवडणुकीसाठी काँग्रेसने जाहीर केली पहिली यादी; 48 उमेदवारांच्या नावांची घोषणा

Maharashtra Assembly Elections: महाराष्ट्र विधानसभा निवडणुकीसाठी काँग्रेसने आपली पहिली यादी जाहीर केली आहे. पक्षाकडून 48 उमेदवारांची नावे जाहीर करण्यात आली आहेत. कराड दक्षिण मतदारसंघातून माजी मुख्यमंत्री पृथ्वीराज चव्हाण यांना काँग्रेसने तिकीट दिले आहे, तर माजी ऊर्जामंत्री नितीन राऊत यांना नागपूर उत्तर मतदारसंघातून पुन्हा उमेदवारी दिली आहे. सुनील देशमुख अमरावतीतून निवडणूक लढवणार आहेत. पक्षाचे प्रदेशाध्यक्ष नाना पटोले यांना साकोली विधानसभा मतदारसंघातून उमेदवारी देण्यात आली आहे. महाराष्ट्रात काँग्रेस राष्ट्रवादी काँग्रेस- शरद पवार गट, शिवसेना- uddhav ठाकरे गट यांच्यासोबतच्या महाविकास आघाडीचा (MVA) युतीचा भाग आहे. याआधी 23 ऑक्टोबर रोजी तिन्ही पक्षांनी 85-85-85 जागांवर निवडणूक लढवण्याची घोषणा केली होती. काँग्रेसच्या या यादीत काही ठिकाणी विद्यमान आमदारांना दुसरी संधी देण्यात आली आहे, तर काही ठिकाणी नव्या चेहऱ्यांना संधी देण्यात आली आहे. दुसरीकडे शरद पवार राष्ट्रवादी काँग्रेस पक्षानेही गुरुवारी संध्याकाळी महाराष्ट्र विधानसभा निवडणुकीसाठी पहिली यादी जाहीर केली, ज्यात 45 नावे आहेत. एक दिवस आधी बुधवारी शिवसेना यूबीटी गटाने 65 उमेदवारांची नावे जाहीर केली होती. अशा प्रकारे महाविकास आघाडीने 153 जागांसाठी उमेदवार जाहीर केले आहेत.

(हेही वाचा: NCP Sharad Pawar Candidate List: शरद पवार गटाकडून उमेदवारांची पहिली यादी जाहीर; जाणून घ्या कोणाला मिळाले तिकीट)

महाराष्ट्र विधानसभा निवडणुकीसाठी काँग्रेसने जाहीर केली पहिली यादी-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)