Lok Sabha Election 2024 Results: मुंबई उत्तर-पश्चिम जागेवर एकनाथ शिंदे गटाचे उमेदवार Ravindra Waikar अवघ्या 48 मतांनी विजयी; Amol Kirtikar यांचा पराभव

Lok Sabha Election 2024 Results: महाराष्ट्रातील मुंबई उत्तर पश्चिम जागा व्हीआयपी जागांमध्ये समाविष्ट आहे. यापूर्वी सुनील दत्त, प्रिया दत्त, राम जेठमलानी यांसारखी मोठी नावे ही जागा जिंकून लोकसभेत पोहोचली आहेत. आता या जागेवर प्रथमच शिवसेना विरुद्ध शिवसेना अशी लढत पाहायला मिळाली. माजी मुख्यमंत्री उद्धव ठाकरे यांच्या नेतृत्वाखालील शिवसेना यूबीटीने इथून अमोल कीर्तीकर यांना उमेदवारी दिली होती, तर एकनाथ शिंदे यांच्या गटाने या जागेवर रवींद्र वायकर यांना उभे केले होते. आता निवडणूक आयोगाच्या वेबसाईटनुसार माहिती मिळत आहे की, शिवसेना शिंदे गटाचे उमेदवार रविंद्र वायकर हे अवघ्या 48 मतांनी विजयी झाले आहे. ठाकरे गटाचे अमोल किर्तीकर यांचा पराभव झाला आहे. अधिकृतरीत्या हा पराभव समोर येण्याआधी उद्धव ठाकरे यांनी यावर प्रतिक्रिया दिली होती. ते म्हणाले होते की, या पराभवाला, या निवडणुकीला आपण आव्हान देणार आहे. (हेही वाचा: Lok Sabha Election Results 2024: शिंदे यांच्या शिवसेनेला मोठा धक्का! श्रीकांत शिंदेंसह केवळ चौघांना खासदारकी टिकवण्यात यश)

पहा पोस्ट-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)