'शिवसेना आणि महाराष्ट्राला कमकुवत करण्यासाठीचे प्रयत्न, मी खचून जाणार नाहीत, पक्ष सोडणार नाही'- Sanjay Raut

तब्बल 9 तासांच्या चौकशीनंतर अंमलबजावणी संचालनालयाने शिवसेना खासदार संजय राऊत यांना ताब्यात घेतले आहे. ताब्यात घेतल्यानंतर संजय राऊत यांनी उपस्थित शिवसैनिकांचे आभार मानले. सूत्रांनी दिलेल्या माहितीनुसार, ताब्यात घेतल्यानंतर राऊत यांनी ईडीला आपल्याला दिल्लीला जायचे असल्याचे सांगितले. राऊत यांनी ईडीला सांगितले की, आपण एक जबाबदार खासदार असून आपली जबाबदारी पार पाडण्यासाठी आपल्याला दिल्लीला जावे लागेल. राऊत यांनी ईडीला सांगितले की, मी दिल्लीला जाऊन उपराष्ट्रपतीपदाच्या निवडणुकीत उपस्थित राहणार असून एक जबाबदार खासदार असल्याने संसदेच्या कामकाजाला उपस्थित राहणे हे आपले कर्तव्य आहे.

यासह संजय राऊत यांना ईडीने ताब्यात घेतल्यानंतर ते म्हणाले की, लोकांवर खोटे आरोप आणि कागदपत्रे तयार केली जात आहेत. शिवसेना आणि महाराष्ट्र कमकुवत करण्यासाठी हे सर्व केले जात आहे. मी झुकणार नाही आणि पक्ष सोडणार नाही. ताब्यात घेतल्याच्या काही मिनिटांनंतर, राऊत यांनी आक्रमक भूमिका घेत एक ट्वीट केले आणि स्पष्टपणे सांगितले की, 'आपण अशा व्यक्तीला कधीही हरवू शकत नाही जो कधी हार मानत नाही. झुकणार नाही! जय महाराष्ट्र.'

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)