Cow Dung Applied On Car: वाढत्या तापमानात उष्णतेपासून वाचण्यासाठी कारला दिला शेणाचा लेप; Pandharpur येथील व्हिडीओ व्हायरल (Watch)
एका आयुर्वेदिक डॉक्टरने कारला थंड ठेवण्यासाठी चक्क गाडीला शेणाचा लेप दिला आहे. याचा व्हिडीओ सध्या सोशल मिडियावर व्हायरल होत आहे. तर पंढरपूर येथून गायीच्या शेणाने लेपित केलेल्या महिंद्रा XUV 300 चा व्हिडिओ व्हायरल झाला आहे.
उन्हाळ्यातील उष्णतेचा सामना फक्त मानवांनाच नाही तर वाहनांनाही करावा लागतो. ऑटोमोबाईलबाबत उत्साही लोक आणि कार मालक नक्कीच याच्याशी सहमत असतील. तर उन्हाळ्यात कार मालकांना नेहमीच हा प्रश्न पडतो की, या उष्णतेत कारला नक्की थंड कसे ठेवायचे? सावलीत किंवा एसी-सक्षम जागांमध्ये पार्किंग प्रभावी असले तरी, अलीकडेच एक पर्यावरणपूरक आणि देशी पद्धत व्हायरल झाली आहे. एका आयुर्वेदिक डॉक्टरने कारला थंड ठेवण्यासाठी चक्क गाडीला शेणाचा लेप दिला आहे. याचा व्हिडीओ सध्या सोशल मिडियावर व्हायरल होत आहे. तर पंढरपूर येथून गायीच्या शेणाने लेपित केलेल्या महिंद्रा XUV 300 चा व्हिडिओ व्हायरल झाला आहे. आयुर्वेदिक चिकित्सक डॉ. राम हरी कदम यांनी त्यांच्या MH 13 DT 7778 या नोंदणी प्लेट असलेल्या कारला, वाढत्या तापमानात थंड ठेवण्यासाठी शेंचा लेप दिला आहे. त्यांनी लोकांना गोमूत्रात शेण मिसळून त्याची पेस्ट तयार करण्यास आणि काळजीपूर्वक त्यांच्या वाहनांच्या बाह्य पृष्ठभागावर पसरवण्यास सांगितले. डॉक्टरांनी प्रादेशिक वृत्त माध्यमांना सांगितले की, मुसळधार पाऊस पडला नाही तर हे आवरण पाच महिन्यांपर्यंत टिकते. लोकसत्तामधील एका वृत्तानुसार, त्यांनी यापूर्वी त्याच्या दुचाकीला आणि घराच्या भिंतींनाही शेणाचा लेप दिला होता. (हेही वाचा: Pune BMW Incident: पुणे येथे बीएमडब्ल्यू कारमधील उच्चभ्रू तरुणाचे शास्त्री चौकात लज्जास्पद वर्तन; व्हिडिओ व्हायरल)
Cow Dung Applied On Car:
View this post on Instagram
पंढरपूरच्या आयुर्वेदिक डॉक्टरांनी एक जुगाड केला आहे. सध्या पारा 40 अंश सेल्सिअसपर्यंत पोहोचला आहे. डॉक्टरांनी आपल्या 15 लाखांच्या लक्झरी कारला गाईचे शेण आणि गोमूत्राचा लेप दिला आहे. त्यामुळे कारचे तापमान निम्म्याहून कमी झाले असे डॉक्टर सांगत आहेत. pic.twitter.com/UvuEiOHU7O
— Rahul Kulkarni (@RahulAsks) March 28, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Mar 29, 2025 11:55 AM IST. For more news and updates on politics, world, sports, entertainment and lifestyle, log on to our website latestly.com).
