Chhatrapati Sambhajinagar: प्रसिद्ध बांधकाम व्यावसायिक Sunil Tupe यांच्या 7 वर्षांच्या मुलाचे अपहरण; अपहरणकर्त्यांनी मागितली 2 कोटींची खंडणी, घटना कॅमेऱ्यात कैद (Video)

छत्रपती संभाजीनगर (पूर्वीचे औरंगाबाद) येथे एका प्रसिद्ध बिल्डरच्या 7 वर्षीय मुलाचे अपहरण झाल्याची घटना घडली आहे. मंगळवारी रात्री सिडको एन-4 परिसरातील सेंट्रल मॉलजवळ, घरापासून अवघ्या 100 मीटर अंतरावर, अज्ञात व्यक्तींनी मुलाचे अपहरण केले. महत्वाचे म्हणजे घटनेच्यावेळी मुलाचे वडील त्याच्यासोबत होते. अपहरणकर्त्यांनी 2 कोटी रुपयांच्या खंडणीची मागणी केली आहे. अपहरणाची घटना सीसीटीव्ही कॅमेऱ्यात कैद झाली आहे. फुटेजमध्ये एक काळ्या रंगाची कार मुलाजवळ थांबताना दिसते, त्यानंतर काही क्षणांतच अज्ञात व्यक्ती मुलाला कारमध्ये ओढून नेतात आणि तेथून पळून जातात. मुलाचे वडील, सुनील तुपे, हे परिसरातील प्रसिद्ध बिल्डर आहेत. मंगळवारी रात्री जेवणानंतर ते मुलाला फिरायला घेऊन गेले होते. घटनेच्या वेळी ते मुलासोबत चालत होते, तर मुलगा सायकलवर होता. त्यांनी संपूर्ण घटना पाहिली पण अपहरणकर्त्यांना रोखण्यात ते असहाय्य होते. घटनेनंतर काही वेळातच अपहरणकर्त्यांनी फोन करून 2 कोटी रुपयांची खंडणी मागितली.

याबाबत तक्रार केल्यानंतर पोलिसांनी तात्काळ तपास सुरू केला असून, विशेष पथकांची स्थापना करण्यात आली आहे. सीसीटीव्ही फुटेजच्या आधारे तपास सुरू आहे. अपहरणकर्त्यांनी वापरलेल्या फोन कॉलचा शोध घेतला असता, तो सिल्लोड तालुक्यातून आल्याचे आढळले आहे. मुलाला लवकरात लवकर सुरक्षितपणे शोधण्यासाठी पोलिसांचे प्रयत्न सुरू आहेत. (हेही वाचा: Mumbai Murder Case: डोंगरी परिसरामध्ये भांडणाच्या रागामधून डोक्यात दगड घालून हत्या)

सुनील तुपे यांच्या 7 वर्षांच्या मुलाचे अपहरण- 

संभाजीनगर शहरातील नामांकित बिल्डरच्या मुलाचे २ कोटी रुपयांच्या खंडणीसाठी अपहरण. घरापासून १०० मीटर अंतरावरील सेंट्रल मॉल येथून मुलाचे अपहरण झाले. ते काळ्या रंगाची चारचाकीतून आले अन् मुलाला वडिलांसमोर उचलून नेले… pic.twitter.com/9hI25z3abS

— Rahul Kulkarni (@RahulAsks) February 5, 2025

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 05, 2025 02:37 PM IST. For more news and updates on politics, world, sports, entertainment and lifestyle, log on to our website latestly.com).