Uttar Pradesh Shocker: आई आणि मुलाची हत्या करून तरुणाने संपवलं स्वत:च आयुष्य, न्यू आग्रा येथील खळबळजनक घटना

Uttar Pradesh Shocker: उत्तर प्रदेशात न्यू आग्रा येथे वकील कॉलनीत एका तरुणाने आपल्या आईची आणि १२ वर्षाच्या मुलाची हत्या केल्याची धक्कादायक माहिती समोर आली आहे त्यानंतर तरुणाने स्वत:ला गळफास लावून आत्महत्या केली आहे. एकाच घरात तीन मृतदेह आढळून आल्याने या घटनेनंतर परिसरात एकच खळबळ उडाली आहे. तरुणाने आत्महत्या करण्यापूर्वी एक व्हिडिओ रेकॉर्ड केला. व्हिडिओ लॅपटॉपमध्ये सापडला, ज्यात त्याने कबुली दिली आहे की तो आर्थिक परिस्थितीशी सामना करू शकत नव्हता. त्यामुळे दोघांचा जीव घेऊन आत्महत्या करत आहे.  ही घटना शनिवारी रात्री घडली. तरुण प्रताप सिंग असं आत्महत्या करण्याऱ्या तरुणाचे नाव आहे. दरम्यान त्याची पत्नी ही राजस्थानला नातेवाईकांकडे गेली होती. या घटनेअंतर्गत पोलिस चौकशी करत आहे.