Bihar: मुझफ्फरपूरमध्ये QRT चा ताडीच्या दुकानावर छापा; कारवाईदरम्यान तरुणाला ट्रेनची धडक बसल्याने मृत्यू

Bihar: बिहारच्या मुझफ्फरपूर जिल्ह्यातून मोठी बातमी समोर येत आहे. वास्तविक, पोलिसांची क्यूआरटी (बिहार पोलिस क्यूआरटी टीम) टीम काल रात्री ताडीच्या दुकानावर छापा टाकण्यासाठी मुझफ्फरपूरच्या सदर पोलिस स्टेशन परिसरातील रामदयाळू येथे पोहोचली होती. दरम्यान, पोलिसांना पाहताच लोक इकडे-तिकडे धावू लागले. धावत असताना एका तरुणाला ट्रेनची धडक बसली, त्यामुळे त्याचा जागीच मृत्यू झाला. या घटनेनंतर स्थानिक नागरिक संतप्त झाले आणि त्यांनी क्यूआरटी वाहनाला घेराव घालून गोंधळ घातला. लोकांच्या गोंधळामुळे पोलिस पथकाने घटनास्थळावरून पळ काढला. रामदयाळू येथील पप्पू महतोचा मुलगा सोनू असे मृताचे नाव असून संतप्त लोकांनी मृतदेह रस्त्यावर ठेवून रास्ता रोको केला. (हेही वाचा - Bihar Police Constable: नकार मिळताच पोलीस कॉन्टेबल बिथरला; लग्नासाठी मेक-अप सुरु असतानाच नवरीवर गोळीबार)