Uttar Pradesh Accident: मुरादाबादमध्ये भीषण अपघात; ट्रकने पिकअप व्हॅनला धडक दिल्याने 8 ठार, 15 जखमी

उत्तर प्रदेशातील मुरादाबादमधील भगतपूर पोलीस स्टेशन परिसरात रविवारी दुपारी एक भीषण रस्ता अपघात झाला. या अपघातात 8 जणांचा मृत्यू झाला आहे, तर 15 हून अधिक जखमी झाले आहेत. सर्व जखमींना रुग्णालयात दाखल करण्यात आले आहे. गंभीर जखमींना जिल्हा रुग्णालयातून खासगी रुग्णालयात रेफर करण्यात आले आहे. सर्व मृत एकाच कुटुंबातील असल्याचे सांगण्यात येत आहे. जखमी आणि मृतांपैकी बहुतांश भोजपूर पोलीस ठाण्यांतर्गत कोहरबाकू गावातील रहिवासी आहेत. कोहरबाकू गावातील रहिवासी शब्बीर हे एका लग्नासाठी आपल्या कुटुंबासह वाहनाने जात होते. यावेळी त्यांना दलपतपूर-काशीपूर रस्त्यावर दुपारी दीडच्या सुमारास समोरून येणाऱ्या ट्रकची धडक बसली. या अपघातामध्ये 8 जणांचा मृत्यू झाला. (हेही वाचा: पुलवामामध्ये मोठा दहशतवादी हल्ला टळला, 5-6 किलो IED सह एका दहशतवाद्याला अटक)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)