Subrata Roy Passes Away: सहारा समूहाचे अध्यक्ष सुब्रत रॉय यांचे निधन; वयाच्या 75 व्या वर्षी मुंबईत घेतला अखेरचा श्वास

देशातील एक मोठे औद्योगिक घराणे समजल्या जाणाऱ्या सहारा समूहाचे अध्यक्ष सुब्रत रॉय यांचे निधन झाले आहे. रॉय यांच्या निधनामुळे उद्योगजगतात शोककळा पसरली आहे. सहारा प्रमुखांचे मुंबईत निधन झाले. वयाच्या 75 व्या वर्षी त्यांनी अखेरचा श्वास घेतला. सहारा कुटुंबाचे प्रमुख सुब्रत रॉय दीर्घकाळापासून गंभीर आजारी असून त्यांच्यावर मुंबईतील एका खासगी रुग्णालयात उपचार सुरू होते. रॉय यांचा जन्म 10 जून 1948 रोजी बिहारमधील अररिया जिल्ह्यात झाला. त्यांच्या वडिलांचे नाव सुधीर चंद्र रॉय आणि आईचे नाव छवी रॉय होते. सुरुवातीचे शिक्षण कोलकाता येथे घेतल्यानंतर त्यांनी गोरखपूर येथील सरकारी महाविद्यालयातून मेकॅनिकल इंजिनीअरिंगचे शिक्षण घेतले. सुब्रत रॉय यांनी आपला पहिला व्यवसाय गोरखपूरमधूनच सुरू केला. (हेही वाचा: Jayant Patil Tests Positive for Dengue: राष्ट्रवादी काँग्रेसचे नेते जयंत पाटील यांना डेंग्यूची लागण; सोशल मिडियावर रिपोर्ट शेअर करत दिली माहिती)