Sexual Harassment: महिलेच्या शरीराच्या रचनेवर भाष्य करणे लैंगिक छळ मानले जाईल; Kerala High Court चा मोठा निर्णय
न्यायालयाने म्हटले आहे की, स्त्रीच्या ‘शरीराच्या संरचनेवर’ केलेल्या टिप्पण्या लैंगिक छळाच्या अंतर्गत येतात आणि तो दंडनीय गुन्हा मानला जाईल.
केरळ उच्च न्यायालयाने महिलांच्या शारिरीक रचनेवर केलेल्या टिप्पणीला लैंगिक छळ असल्याचे म्हटले आहे. केरळ उच्च न्यायालयाचे न्यायमूर्ती ए बद्रुद्दीन यांनी एका याचिकेवर सुनावणी करताना सांगितले की, अशी टिप्पणी लैंगिक छळाचा गुन्हा मानून घेऊन कारवाई करावी. केरळ राज्य विद्युत मंडळाच्या (केएसईबी) माजी कर्मचाऱ्यावर त्याच कार्यालयातील एका महिला कर्मचाऱ्याने आरोप केले होते. महिलेने सांगितले होते की, आरोपी माजी कर्मचाऱ्याने 2013 पासून तिच्याविरुद्ध अपशब्द वापरले. यानंतर 2016-17 मध्ये त्याने आक्षेपार्ह मेसेज आणि व्हॉईस कॉल्स पाठवण्यास सुरुवात केली. केएसईबी आणि पोलिसांकडे तक्रार करूनही तो तिला आक्षेपार्ह संदेश पाठवत होता. अनेक तक्रारींनंतर, पोलिसांनी आरोपीविरुद्ध गुन्हा नोंदवला. त्यानंतर लैंगिक छळाचा खटला रद्द करण्यात यावा यासाठी आरोपीने याचिका दाखल केली.
यावर सुनावणी करताना न्यायालयाने म्हटले आहे की, स्त्रीच्या ‘शरीराच्या संरचनेवर’ केलेल्या टिप्पण्या लैंगिक छळाच्या अंतर्गत येतात आणि तो दंडनीय गुन्हा मानला जाईल. केरळ हायकोर्टाने सरकारी वकिलांचा युक्तिवाद ग्राह्य धरून सांगितले की, आरोपीचे संदेश आणि टिप्पण्यांमध्ये लैंगिक छळाचे सर्व घटक आहेत. महिलेच्या सन्मानाचा आणि प्रतिष्ठेचा अपमान करण्याचा हेतू स्पष्ट होता आणि तो गुन्हा असल्याचे न्यायालयाने म्हटले आहे. (हेही वाचा: Kerala Shocker: केरळमध्ये 11वीच्या विद्यार्थिनीवर शिकवणी शिक्षकाकडून बलात्कार; न्यायालयाने सुनावली 111 वर्षांची शिक्षा)
Sexual Harassment Case:
Commenting On Woman's Body Structure Amounts To Sexual Harassment: Courthttps://t.co/ucPg198Kjr pic.twitter.com/GFzyMdtDpv
— NDTV (@ndtv) January 8, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 08, 2025 12:46 PM IST. For more news and updates on politics, world, sports, entertainment and lifestyle, log on to our website latestly.com).
