No Confidence Motion: केंद्र सरकारविरुद्ध उद्या विरोधक आणणारा अविश्वास प्रस्ताव; Adhir Ranjan Chowdhary यांची घोषणा

संसदेच्या पावसाळी अधिवेशनाचा आज चौथा दिवस होता. आजही लोकसभा आणि राज्यसभेत प्रचंड गदारोळ झाला. मणिपूर हिंसाचारावरील पंतप्रधान मोदींच्या वक्तव्याबाबत विरोधक आपल्या मागणीवर ठाम आहेत. सरकार चर्चेसाठी तयार असले तरी विरोधकांच्या अटी मान्य नाहीत. या सर्वांवर भाजपने बैठकीसाठी संसदीय पक्षाला बोलावले आणि विरोधकांनी भविष्यातील रणनीतीसाठी INDIA आघाडीची बैठक बोलावली. दरम्यान, विरोधक सरकारविरोधात अविश्वास ठराव आणणार असल्याच्या बातम्या आल्या होत्या. आता आज रात्री उशिरा  लोकसभेतील काँग्रेसचे नेते अधीर रंजन चौधरी यांनी त्यास अनुमोदन दिले. ते म्हणाले, विरोधी पक्ष उद्या लोकसभेत सरकारविरोधात अविश्वास प्रस्ताव आणतील.

केंद्र किंवा राज्य सरकारविरुद्ध अविश्वास प्रस्ताव मंजूर होणे म्हणजे आता मंत्रिमंडळाचा सभागृहातील विश्वास उडाला आहे, असे सिद्ध होते. सभागृहातील बहुमत सरकारच्या बाजूने नाही असा त्याचा अर्थ होतो. अशा परिस्थितीत सरकार पडते व पंतप्रधान किंवा मुख्यमंत्र्यांसह संपूर्ण मंत्रिमंडळाला राजीनामा द्यावा लागतो. (हेही वाचा: New Co-operative Policy: केंद्र सरकार येत्या दसरा, दिवाळीपूर्वी नवे सहकार धोरण आणण्याच्या तयारीत, अमित शाह यांचे लोकसभेत सुतोवाच)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)