Boyfriend Stabbed His Girlfriend: डॉक्टर प्रेयसीची हत्या करून तरुणाचा आत्महत्येचा प्रयत्न; Jammu मधील धक्कादायक घटना

जम्मू शहरात एका तरुणाने आपल्या गर्लफ्रेंडची चाकूने भोसकून हत्या केल्याची घटना समोर आली आहे. तरुणीच्या मृत्यूनंतर या तरुणाने आत्महत्येचा प्रयत्न केला. पोलिसांनी शुक्रवारी याबाबत माहिती दिली. वृत्तानुसार, तरुणाने पेशाने डॉक्टर असलेल्या आपल्या गर्लफ्रेंडवर चाकूने वार केले सुमेधा शर्मा, तलब टिल्लो, जम्मू असे ठार झालेल्या मुलीचे नाव आहे, तर आरोपी जोहर गनी हा जानीपूर, जम्मूचा रहिवासी आहे. प्रेयसीची हत्या केल्यानंतर आरोपीने त्याच चाकूने आपले जीवन संपवण्याचा प्रयत्न केला. सूत्राने सांगितले की, तरुणावर जम्मूच्या शासकीय वैद्यकीय महाविद्यालय रुग्णालयात उपचार सुरू आहेत. माहितीनुसार सुमेधा 7 मार्चला होळीसाठी घरी आली होती आणि तिचा प्रियकर जोहरच्या घरी थांबली होती. दोघांमध्ये कथितरित्या भांडण झाले, त्यानंतर आरोपी जोहरने तिच्यावर चाकूने वार केले.