भावजयीद्वारे केलेले बॉडी शेमिंग हे स्त्रीच्या मानसिक आरोग्यावर परिणाम करणारे वर्तन, आयपीसी कलम 498A अंतर्गत क्रूरता- Kerala High Court

केरळ हायकोर्टाने एका महत्वाच्या निकालात म्हटले आहे की, एखाद्या महिलेचे तिच्या भावाच्या पत्नीद्वारे बॉडी शेमिंग करणे हे कृत्य म्हणजे प्रथमदर्शनी स्त्रीच्या आरोग्यास हानी पोहोचवणारे हेतुपुरस्सर वर्तन आहे, जो आयपीसीच्या कलम 498A अंतर्गत क्रौर्याचा गुन्हा आहे. या प्रकरणातील तथ्यांनुसार, याचिकाकर्त्या भावजयीने  तिच्याविरुद्धची फौजदारी कारवाई रद्द करण्यासाठी उच्च न्यायालयात धाव घेतली होती. तिने सांगितले की, तिचे कृत्य कलम 498A अंतर्गत संबंधित शब्दाच्या कक्षेत येत नाही. त्यावर न्यायमूर्ती ए. बदरुद्दीन म्हणाले की, वैवाहिक घरात राहणारे भाऊ आणि बहिणीचे पती/पत्नी देखील नातेवाईक या अर्थाने कलम 498A अंतर्गत येतात.

न्यायालयाने नमूद केले, ‘जेव्हा याचिकाकर्त्याच्या सांगण्यावरून केलेल्या थेट कृत्यांचे मूल्यमापन केले जाते, तेव्हा तक्रारदाराचे बॉडी शेमिंग करणे तसेच तिच्या वैद्यकीय पदवीबद्दल शंका घेणे हे याचिकाकर्त्यावरचे आरोप आहेत. याचिकाकर्त्याची ही कृत्ये प्रथमदर्शनी हेतुपुरस्सर वर्तन मानले जाते, जे आयपीसीच्या कलम 498A च्या स्पष्टीकरण (A) अंतर्गत महिलेच्या मानसिक आणि शारीरिक आरोग्यास इजा पोहोचवण्याच्या स्वरूपाचे आहे.’ या प्रकरणात याचिकाकर्ता हा तिसरा आरोपी आहे. पहिला आरोपी तिचा पती, तर मोठ्या भावाची [पत्नी तिसरा आरोपी आहे. (हेही वाचा: घटस्फोटानंतर आईसोबत राहत असलेल्या मुलींना सांभाळण्यासाठी, उत्कृष्ट शिक्षण देण्यासाठी वडील कायदेशीररित्या बांधील; Karnataka High Court चा महत्वाचा निर्णय)

Body Shaming by Sister-in-Law Is Prima Facie Offence of Cruelty Under Section 498A IPC-