Agniveer Amritpal Singh Dies: काश्मीरमध्ये तैनात अग्निवीर अमृतपाल सिंगचा गोळी लागल्याने मृत्यू

मनसा जिल्ह्यातील कोटली कलान या गावातील अवघ्या 19 वर्षीय अग्निवीर अमृतपाल सिंगने जम्मू-काश्मीरमधील पुंछमध्ये सर्वोच्च बलिदान दिले आहे. भारतीय लष्कराने सांगितले की, अमृतपाल सिंहचा 11 ऑक्टोबर 2023 रोजी मृत्यू झाला. अग्निवीर अमृतपाल सिंगचा राजौरी सेक्टरमध्ये सेन्ट्री ड्युटीवर असताना, लागलेल्या बंदुकीच्या गोळीमुळे झालेल्या दुखापतीमुळे मृत्यू झाला. अमृतपाल सिंगवर शुक्रवारी कोटली कलान या गावात अंत्यसंस्कार करण्यात आले. रेजिमेंट 10-जेके रायफल्सचे जवान, पोलीस, नागरी प्रशासन आणि माजी सैनिकांनी पुष्पहार अर्पण करून अमृतपाल सिंगला अभिवादन केले. अधिक तपशील तपासण्यासाठी न्यायालयीन चौकशी सुरू असल्याचेही लष्कराने म्हटले आहे. अमृतपाल सिंग हा त्याच्या आई-वडिलांचा एकुलता एक मुलगा होता. अमृतपाल सिंह 10 डिसेंबर 2022 रोजी भारतीय सैन्यात दाखल झाला होता. (हेही वाचा: Terrorists of Lashkar-e-Taiba Arrested: लष्कर-ए-तैयबाच्या दोन दहशतवाद्यांना अटक; दोन आयईडी-हँड ग्रेनेड, डिटोनेटर-बॅटरी जप्त)