CBSE Exam 2021-2022 Timetable: 'सीबीएसई'ने जारी केले 10 वी आणि 12 वीच्या टर्म-1 बोर्ड परीक्षांचे वेळापत्रक; पहा सविस्तर

केंद्रीय माध्यमिक शिक्षण मंडळाने (CBSC) 10 वी आणि 12 वी टर्म -1 बोर्ड परीक्षांची डेटशीट जाहीर केली आहे. टर्म -1 च्या 12 वीच्या परीक्षा 1 डिसेंबरपासून सुरू होतील आणि 22 डिसेंबरला संपतील. तसेच, 10 वी टर्म -1 परीक्षा 30 नोव्हेंबरपासून सुरू होईल आणि 11 डिसेंबर रोजी संपेल. परीक्षेची वेळ सकाळी 11:30 ते दुपारी 1 पर्यंत असेल. बोर्डाने सांगितले होते की, इयत्ता 10 वी आणि 12 वी च्या 'टर्म -1' च्या बोर्ड परीक्षा 'ऑफलाइन' घेण्यात येतील. कोरोना संसर्गामुळे, सीबीएसई 10 वी आणि 12 वी बोर्ड परीक्षा दोन टप्प्यात घेण्यात येत आहेत, ज्यासाठी पहिल्या टप्प्यातील परीक्षेचे वेळापत्रक जाहीर करण्यात आले आहे. बोर्डाच्या परीक्षेच्या विद्यार्थ्यांना 20 मिनिटे वाचन वेळ दिला जाईल, पूर्वी ही वेळ 15 मिनिटे होती. बोर्ड परीक्षेचा कालावधी 90 मिनिटे असेल.