Oppenheimer's Bhagwad Gita Controversy: ख्रिस्तोफर नोलन ओपनहायमरमधून 'भगवद्गीता' आणि 'इंटिमेट सीन'चा भाग हटवण्यात येणार; सेन्सॉर बोर्डावर भडकले IB मंत्री अनुराग ठाकूर

Oppenheimer's Bhagwad Gita Controversy: ओपेनहायमर या हॉलिवूड चित्रपटातील एका दृश्यावरून वाद वाढत आहे. सेंट्रल बोर्ड ऑफ फिल्म सर्टिफिकेशन (सेन्सॉर बोर्ड) कडून ओपेनहायमरच्या एका दृश्यावरून माहिती आणि प्रसारण मंत्री अनुराग ठाकूर आश्चर्यचकित झाले आहेत. अनुराग ठाकूर यांनी या चित्रापटातील तो सीन पास कसा झाला? असा प्रश्न केला आहे. यासोबतच त्यांनी वादग्रस्त सीन डिलीट करण्यासही सांगितले आहे. ख्रिस्तोफर नोलनच्या नुकत्याच प्रदर्शित झालेल्या ओपेनहाइमर चित्रपटात एक दृश्य आहे, ज्यामध्ये चित्रपटाची अभिनेत्री फ्लोरेन्स पग ओपेनहाइमरची भूमिका करणारा अभिनेता सिलियन मर्फीला एका अंतरंग दृश्यादरम्यान गीता वाचण्यास सांगते. चित्रपट प्रदर्शित झाल्यापासून या सीनवर प्रश्न उपस्थित केले जात आहेत. आता केंद्रीय मंत्री ठाकूर यांनी तीव्र प्रतिक्रिया नोंदवली आहे. याप्रकरणी काही जबाबदार अधिकाऱ्यांवरही कारवाई होऊ शकते. (हेही वाचा - Oppenheimer Movie Controversy: आक्षेपार्ह दृश्यामुळे ओपनहायमर चित्रपट वादाच्या भोवऱ्यात, हिंदू लोकांच्या भावना दुखावल्या)