Kanwar Yatra 2024: बॉलिवूड अभिनेता सोनू सूद त्याच्या स्पष्टवक्तेपणासाठी ओळखला जातो. अनेक मुद्द्यांवर सोनूने न घाबरता आपले विचार मांडले आहेत. आता कावड यात्रेसंदर्भात युपी सरकारने लागू केलेल्या नियमाबाबत सोनूने भाष्य केले आहे. नुकतेच यूपी सरकारने 22 जुलैपासून सुरू होणाऱ्या कावड यात्रा मार्गावरील दुकानदारांना आदेश जारी केला आहे, त्यानुसार या दुकानदारांना दुकानावर आपल्या नावाचा बोर्ड लिहिणे बंधनकारक करण्यात आले आहे. यावर लोक वेगवेगळ्या प्रकारच्या प्रतिक्रिया देत आहेत. अशात सोनू सूदने याबाबत केलेली पोस्ट चर्चेत आहे. एक्सवर पोस्ट शेअर करताना सोनू सूदने लिहिले की, 'प्रत्येक दुकानावारे एकच नेम प्लेट असावी आणि ती म्हणजे मानवता'. सोनू सूदच्या या पोस्टला चाहते पसंती देत असून, त्याच्या विचारसरणीचे खूप कौतुक करत आहेत.

दरम्यान, सीएम योगी यांनी आदेश दिले आहेत की संपूर्ण यूपीमधील कावड यात्रा  मार्गावरील खाद्यपदार्थांच्या दुकानांवर ऑपरेटर, मालकाचे नाव, त्यांची ओळख लिहिणे बंधनकारक असेल. कावड यात्रेकरूंच्या श्रद्धेची शुद्धता राखण्यासाठी हा निर्णय घेण्यात आल्याचे सांगण्यात येत आहे. याशिवाय कावड यात्रा मार्गावर हलाल प्रमाणपत्रासह उत्पादने विकणाऱ्यांवरही कारवाई करण्यात येणार आहे. (हेही वाचा: Muslim Marriages Law Abolished in Assam: आसाम सरकारचा मोठा निर्णय! मुस्लिम विवाह कायदा रद्द; मुख्यमंत्री हिमंता विश्व शर्मा यांनी 'X'वर दिली माहिती)

पहा पोस्ट-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)