Gadar 2 Trailer: बहुप्रतिक्षित चित्रपट 'गदर 2' चा ट्रेलर प्रदर्शित; पाहायला मिळणार धमाकेदार अॅक्शन, 22 वर्षानंतरही तारा सिंगची क्रेझ कायम (Watch Video)

या वर्षातील बहुप्रतिक्षित चित्रपटांपैकी एक असलेल्या 'गदर 2' चा बहुप्रतिक्षित ट्रेलर अखेर आज प्रदर्शित झाला आहे. सनी देओल, अमिषा पटेल आणि उत्कर्ष शर्मा स्टारर चित्रपट 'गदर 2' ची घोषणा झाल्यापासून प्रेक्षकांमध्ये याची जोरदार चर्चा आहे. चाहते चित्रपटाच्या प्रदर्शनाची आणि त्याची झलक पाहण्यासाठी आतुरतेने वाट पाहत आहेत. आता आज संध्याकाळी या चित्रपटाचा ट्रेलर प्रदर्शित झाला.

ट्रेलरमध्ये दिसून येत आहे की, तारा सिंगचा मुलगा जिते पाकिस्तानच्या भूमीवर कैद होतो आणि त्याला सोडवण्यासाठी तारा सिंग पाकिस्तानमध्ये पोहोचतो. तिथून तो आपल्या मुलाला कसा बाहेर काढतो हे या चित्रपटामध्ये दिसणार आहे. 'गदर 2' प्रेक्षकांना भरपूर अॅक्शन देणार आहे हे ट्रेलरवरून स्पष्ट होत आहे. अनिल शर्मा दिग्दर्शित, हा चित्रपट 11 ऑगस्ट रोजी थिएटरमध्ये दाखल होणार आहे व त्याद्वारे 22 वर्षांनंतर तारा सिंह आणि सकिना यांची जोडी पडद्यावर पुन्हा दिसणार आहे. (हेही वाचा: OMG 2: ‘ओह माय गॉड 2’मधील 20 दृश्यांवर सेन्सॉर बोर्डाची कात्री)

पहा गदर 2 चा ट्रेलर-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)