'घरी बोलावून टॉप काढण्यास सांगितले'; दिग्दर्शक Sajid Khan वर अभिनेत्रीने केले धक्कादायक आरोप

बिग बॉस 16 मध्ये अभिनेता-दिग्दर्शक साजिद खानच्या एंट्रीने बॉलिवूडमध्ये पुन्हा एकदा मी टूची चर्चा सुरू झाली आहे. 2018 मध्ये सुमारे 10 अभिनेत्री, मॉडेल आणि जर्नलिस्टनी साजिदवर लैंगिक छळाचे आरोप केले होते. तेव्हापासून साजिदचा चित्रपटांवर बहिष्कार सुरू झाला. आता 4 वर्षांनंतर तो बिग बॉस-16 मध्ये छोट्या पडद्यावर दिसत असून पुन्हा मी-टूची चर्चा सुरू झाली. नुकतेच स्वतःशी लग्न करून प्रसिद्धीच्या झोतात आलेली टीव्ही अभिनेत्री कनिष्का सोनी हिने साजिदवर खळबळजनक आरोप केले आहेत. कनिष्काने सांगितले की, साजिद हाच तो दिग्दर्शक होता ज्याने तिला तिचे शरीर दाखवण्यासाठी टॉप काढण्यास सांगितले. एका चित्रपटामध्ये भूमिका देण्याच्या बहाण्याने साजिदने कनिष्काला घरी बोलावून कपडे काढण्यास सांगितल्याचा आरोप होत आहे.