Shiv Sena Delhi Unit: एकनाथ शिंदे यांच्या शिवसेना पक्षाच्या दिल्ली युनिटचा शुभारंभ; शहरात विकासाचे 'महाराष्ट्र मॉडेल' राबविण्याची ग्वाही

महाराष्ट्राचे मुख्यमंत्री एकनाथ शिंदे (CM Eknath Shinde) यांच्या नेतृत्वाखालील शिवसेनेने रविवारी दिल्लीत आपले युनिट (Delhi Unit) स्थापन केले. त्यांनी दिल्ली शहरात विकासाचे 'महाराष्ट्र मॉडेल' राबविण्याचे वचन दिले. यावेळी पक्षाचे नेते आनंदराव अडसूळ आणि अंशुमन जोशी यांनी अनेक नेत्यांचे पक्षात येण्‍यासाठी स्‍वागत केले आणि स्‍थानिक जनतेच्‍या हक्‍कांची वकिली करण्‍याचे आणि दिल्लीतील भ्रष्टाचार दूर करण्‍याची ग्वाही दिली.

शिवसेनेचे शहरातील पदाधिकारी जाहीर करण्यासाठी एकनाथ शिंदे लवकरच दिल्लीत येणार असल्याचेही अडसूळ यांनी नमूद केले. ‘आम्ही आमची मानवता, सर्वसमावेशकता आणि सुशासनाचा अजेंडा घेऊन लोक आणि स्थानिक नेत्यांपर्यंत पोहोचत आहोत,' असे अडसूळ म्हणाले. पक्षाच्या वतीने 'गुड गव्हर्नन्स, महाराष्ट्र मॉडेल' आणि 'आपला अभिमान, धनुष्यबाण' या अभियानांचे उद्घाटन अडसूळ यांच्या हस्ते करण्यात आले.

माजी केंद्रीय मंत्री अडसूळ यांनी सांगितले की, विविधता, करुणा, प्रभावी प्रशासन आणि दीर्घकाळ टिकून राहिलेल्या भाजपसोबतच्या सहकार्याच्या बाबतीत शिवसेना पक्ष संस्थापक बाळासाहेब ठाकरे यांची परंपरा आणि आदर्श कायम ठेवेल. याव्यतिरिक्त, त्यांनी नमूद केले की, दिल्ली युनिटच्या स्थापनेसह, शिवसेनेने आता संपूर्ण भारतातील 20 राज्ये आणि केंद्रशासित प्रदेशांमध्ये युनिट्स स्थापन केली आहेत. (हेही वाचा: Barsu Refinery Project: बारसू प्रकल्पाच्या विरोधातील आंदोलनाचं नेतृत्व करणारे सत्यजीत चव्हाण शरद पवारांच्या भेटीला)

ते म्हणाले, ‘पक्ष राष्ट्रीय स्तरावर आपली पोहोच वाढवण्यासाठी अनुभवी नेतृत्वाचा लाभ घेईल. आमचे मुख्यमंत्री एकनाथ शिंदे यांनी महाराष्ट्राला शासनाचे एक मॉडेल दिले आहे आणि पक्षाच्या तरुण नेत्यांनी दिल्ली आणि इतर राज्यांमध्येही आपला पाया रोवला आहे.’ यावेळी अडसूळ यांनी 1984 च्या शीख विरोधी दंगलीनंतर बाळासाहेब ठाकरे यांनी मुंबई आणि महाराष्ट्रात शिखांचे कसे संरक्षण केले होते याची आठवण करून दिली.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)