NCP Party Crisis: शरद पवार विरुद्ध अजित पवार, मुंबईमध्ये राष्ट्रवादी काँग्रेस पक्षात घमासान; दोन वेगवेगळ्या बैठकांसाठी आमदार रवाना

राष्ट्रवादी काँग्रेस पक्ष (NCP) कधी नव्हे तो इतक्या सत्वपरीक्षेला सामोरे जातो आहे. महाराष्ट्राच्या राजकीय इतिहासात प्रथमच इतके मोठे घमासान आणि कुटुंबकलह पाहायला मिळतो आहे. पाठीमागील अनेक दशकं राज्याचे राजकारण एकहाती फिरवणाऱ्या शरद पवार (Sharad Pawar) यांच्यासमोर त्यांच्याच कुटुंबातून आव्हान उभे राहिले आहे. अजित पवार यांनी शरद पवार यांना जोरदार धक्का दिला आहे. त्यामुळे पवार विरुद्ध पवार (Sharad Pawar vs. Ajit Pawar) असा सामना पाहायला मिळत आहे. आजचा दिवस राष्ट्रवादी काँग्रेस पक्षासाठी अत्यंत महत्त्वाचा आहे. शरद पवार आणि अजित पवार यांनी आपापल्या गटाची वेगवेगळी बैठक बोलावली आहे. शरद पवार यांची बैठक वायबी चव्हाण सेंटर येथे पार पडत आहेत. अजित पवार गटाची बैठक वांद्रे येथे एमईटी इन्स्टीट्यूट पार पडत आहे.

राष्ट्रवादी काँग्रेस पक्षाच्या एकूण 53 आमदारांपैकी 42 आमदारांनी अजित पवार यांना पाठिंबा दिल्याचा दावा काहींकडून करण्यात आला आहे. तर शरद पवार यांना 13 आमदारांनी पाठींबा दिल्याचे वृत्त आहे. हे आकडे केवळ दावा आहे. जोपर्यंत प्रत्यक्ष दोन्ही गटांच्या बैठका पार पडत नाहीत तोवर कोणाकडे किती आमदार याबाबत कोणतीच स्पष्टता येणे कठीण होऊन बसले आहे. शरद पवार गटाची बैठक वायबी सेंटर येथे दुपारी 1.00 वाजता पार पडत आहे. तर अजित पवार गटाची बैठक दुपारी 11 वाजता एमईटी येथे पार पडत आहे. (हेही वाचा, Pawar vs Pawar: NCP कुणाची? संख्याबळाचे चित्र आज स्पष्ट होणार; राष्ट्रवादीच्या दोन्ही गटांच्या मुंबईत बैठका)

दरम्यान, शरद पवार की अजित पवार? याबाबत राष्ट्रवादी काँग्रेस पक्षाच्या आमदारांमध्ये संभ्रम पाहायला मिळत आहे. हा संभ्रम केवळ आमदारांमध्येच नाही. पक्षाचे कार्यकर्ते आणि पदाधिकाऱ्यांमध्येही हा संभ्रम पाहायला मिळत आहे. आगोदर शिवसेना आणि आता राष्ट्रवादी काँग्रेस पक्षाच्या कार्यकर्त्यांमध्ये 'विठ्ठला.. कोणता झेंडा घेऊ हाती' असे म्हणण्याची वेळ आली आहे. तरीही अजित पवार यांच्या देवगिरी बंगल्यावर आणि शरद पवार यांनी आयोजित केलेल्या बैठकीच्या ठिकाणी म्हणजे वायबी सेंटर येथे गर्दी जमली आहे. दोन्ही बाजूंच्या प्रतोदांनी व्हीप काढले आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)