कोल्हापूर: खासदार धैर्यशील माने यांच्या समोर पूरग्रस्त महिलांचे आंदोलन; पंचगंगा नदीच्या पात्रात मारल्या उड्या

कोल्हापूर येथे पुरग्रस्त महिलांनी शुक्रवारी आंदोलन केले होते. त्यानंतर आज याच महिलांनी आज शिवसेना खासदार धैर्यशील माने यांच्या समोर पंचगंगा नदीच्या पात्रात उड्या मारल्या. मायक्रो फायनान्स यांच्याकडून घेण्यात आलेले कर्ज माफ करावे म्हणून शिरोळा तालुक्यात महिलांनी जोरदार आंदोलन करण्यास सुरुवात केली. मात्र महिलांचे हे आंदोलन आक्रमक झाल्याचे दिसून आले.

पुरग्रस्त महिलांच्या आर्थिक गोष्टींकडे स्थानिक प्रशासनाकडून दुर्लक्ष केल्याचा आरोप करण्यात आल्यानंतर महिलांनी पंचगंगा नदीच्या पात्रात उड्या मारल्या. अग्निशमन विभाग आणि आपत्ती व्यवस्थापनाच्या जवानांनी तातडीने नदीमध्ये उड्या घेत महिलांना पाण्यातून बाहेर काढले. या सगळ्या प्रकारात एक महिला आंदोलक बेशु्द्ध झाली.('शिवभोजन नाव बदलून अटीभोजन करा' नीलेश राणे यांचा शिवसेनेला टोला)