Lok Sabha Election Result 2024: महाराष्ट्रात काँग्रेस कार्यकर्त्यांचा जल्लोष; निकालाचा कल समजताच विजयी मिरवणुकीची तयारी सुरू
सांगलीमध्ये काँग्रेसचे बंडखोर व अपक्ष उमेदवार विशाल पाटील आघाडीवर आहेत. याशिवाय संभाजीनगर येथून चुरशीच्या लढतीत इम्तियाज जलील आघावर आहेत. तर धाराशिव मधून ठाकरे गट शिवसेना उमेदवार ओम राजे निंबाळकर आघाडीवर आहेत. तसेच नंदूरबार येथून काँग्रेस पक्षाचे उमेदवार आघाडीवर आहेत.
Lok Sabha Election Result 2024: लोकसभा निवडणूक 2024 (Lok Sabha Election) साठी आज मतमोजणी सुरू झाली आहे. लोकसभेच्या 48 जागांवरील विजयी उमेदवारांची नावे आज समोर येणार आहेत. अशातचं आता महाराष्ट्रात लोकसभा निवडणुकीच्या निकालाचा (Lok Sabha Election Results in Maharashtra) कल समजताचं काँग्रेस (Congress) पक्षाच्या कार्यकर्त्यांमध्ये जल्लोषाचे वातावरण पाहायला मिळत आहे. सांगलीमध्ये काँग्रेसचे बंडखोर व अपक्ष उमेदवार विशाल पाटील आघाडीवर आहेत. याशिवाय संभाजीनगर येथून चुरशीच्या लढतीत इम्तियाज जलील आघावर आहेत. तर धाराशिव मधून ठाकरे गट शिवसेना उमेदवार ओम राजे निंबाळकर आघाडीवर आहेत. तसेच नंदूरबार येथून काँग्रेस पक्षाचे उमेदवार आघाडीवर आहेत.
दरम्यान, सोलापूर लोकसभा मतदारसंघातून काँग्रेसच्या आमदार प्रणिती शिंदे यांनी आघाडी घेतली आहे. प्रणिती शिंदे या उत्तर, दक्षिण सोलापूर, मंगळवेढा पंढरपूर, मोहोळ या मतदारसंघातून आघाडीवर आहेत. या भागातील काँग्रेस कार्यकर्त्यांनी जल्लोष सुरू केला आहे. (हेही वाचा -Lok Sabha Election Results 2024 Live Updates: Amit Shah गांधीनगर मधून 1 लाख मतांनी आघाडीवर)
तथापी, धुळे लोकसभा मतदारसंघांमध्ये पहिल्या फेरीमध्ये काँग्रेस उमेदवार शोभा बच्छाव यांनी 32 मतांनी आघाडी घेतली. तसेच नंदुरबार येथे काँग्रेस उमेदवार गोवल पाडवी यांना पाहिल्या फेरीत 19 हजार मतांची आघाडी घेतली. यानंतर कार्यकर्यांमध्ये जल्लोष साजरा केला. याशिवाय चंद्रपूरमध्ये काँग्रेसच्या प्रतिभा धानोरकर या 16 हजार मतांनी आघाडीवर आहेत.
(The above story first appeared on LatestLY on Jun 04, 2024 10:48 AM IST. For more news and updates on politics, world, sports, entertainment and lifestyle, log on to our website latestly.com).
