IMD Monsoon 2019 Predictions: 6 जूनला मान्सून केरळ मध्ये दाखल होण्याची शक्यता; विदर्भ, मराठवाडा सह मध्य भारतामध्ये सरासरीपेक्षा कमी पडणार पाऊस
विदर्भ, मराठवाडा, पश्चिम मध्य प्रदेश व गुजरातमध्ये यंदा सरासरीच्या 91 टक्के पाऊस पडण्याची चिन्हे आहेत. असा अंदाज वर्तवण्यात आला आहे.
Monsoon 2019 Predictions: यंदा दुष्काळाने होरपळत असलेल्या महाराष्ट्राला अजून काही दिवस पावसाची वाट पहावी लागणार आहे. यंदा 4 जूनला भारतामध्ये दाखल होणारा मान्सून यंदा 6 जूनला दाखल होईल असा नवा अंदाज भारतीय वेधशाळेकडून (India Meteorological Department) देण्यात आला आहे. महाराष्ट्रावरील दुष्काळाचे सावट हटावे म्हणून भगवान महाराजांचे 127 किमीचे लोटांगण (Video)
स्कायमेटच्या माहितीनुसार 4 जून दिवशी भारतामध्ये दाखल होणारा मान्सून सरासरीपेक्षा कमी असेल असा अंदाज वर्तवण्यात आला होता मात्र आता भारतीय हवामानखात्याच्या अंदाजानुसार, केरळच्या समुद्रकिनार्‍यावर 6 जूनला मान्सून धडकेल. केरळमध्ये मान्सून दाखल झाल्यानंतर पुढच्या 6-7 दिवसांमध्ये तो महाराष्ट्रात दाखल होईल. यंदा केरळमध्येच पाऊस उशिरा आल्याने महाराष्ट्रातही त्याचं आगमन उशिरा होण्याची शक्यता आहे. 'विदर्भ' आणि 'मराठवाडा' वर यंदाही दुष्काळाचे सावट, मुंबईतही कमी पावसाची शक्यता- स्कायमेट वेदर
मध्य भारतात समावेश होणाऱ्या विदर्भ, मराठवाडा, पश्चिम मध्य प्रदेश व गुजरातमध्ये यंदा सरासरीच्या 91 टक्के पाऊस पडण्याची चिन्हे आहेत. महाराष्ट्रामध्ये सध्या 151 गावांमध्ये सरकारने दुष्काळ जाहीर केला आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)