95 व्या अखिल भारतीय मराठी साहित्य संमेलनाच्या अध्यक्षपदी Bharat Sasane यांची निवड; उदगीर येथे 22 ते 24 एप्रिल होणार सोहळा
बीडचे जिल्हाधिकारी म्हणून सरकारी सेवेतून निवृत्त झालेले मूळचे जालन्याचे रहिवासी असलेले ससाणे यांनी आठ लघुकथा, नऊ लघुकथा संग्रह, पाच कादंबऱ्या, बालसाहित्याची सहा पुस्तके, चार नाटके आणि अनेक लेख लिहिले आहेत
अवघ्या काही आठवड्यामध्ये 95 वे अखिल भारतीय मराठी साहित्य संमेलन (95th Akhil Bharatiya Marathi Sahitya Sammelan) होणार आहे. महाराष्ट्रातील लातूर (Latur) जिल्ह्यातील उदगीर (Udgir) येथे 22 ते 24 एप्रिल दरम्यान हे साहित्य संमेलन आयोजित केले जाणार आहे. आता माहिती मिळत आहे की, 95 व्या अखिल भारतीय मराठी साहित्य संमेलनाच्या अध्यक्षपदी प्रसिद्ध लेखक आणि सेवानिवृत्त आयएएस अधिकारी भारत सासणे (Bharat Sasane) यांची निवड करण्यात आली आहे. साहित्य महामंडळाचे अध्यक्ष कौतिकराव ठाले-पाटील आणि एआयएमएलएम संघटक बसवराज पाटील नगराळकर यांनी रविवारी झालेल्या संयुक्त पत्रकार परिषदेत ही घोषणा केली.
94 वे अखिल भारतीय मराठी साहित्य संमेलन हे वर्षभरापासून वादाच्या भोवऱ्यात सापडले होते. ऐनवेळी अध्यक्षांची अनुपस्थिती सर्वांच्या मनाला खटकली. या संमेलनाचा शेवट वादानेच झाला होता. याच संमेलनात 95 वे संमेलन 2022 मध्ये उदगीर (जि. लातूर) येथे होणार असल्याची घोषणा महामंडळाचे अध्यक्ष कौतिकराव ठाले पाटील यांनी केली होती.
संमेलनाचा अध्यक्ष निवडण्यासाठी आज उदगीर येथे महामंडळाची बैठक होती. या बैठकीत प्रसिद्ध कथाकार भारत सासणे यांच्या नावावर अध्यक्षपदासाठी एकमताने शिक्कामोर्तब झाला आहे. लेखक भास्कर चंदनशिव, बाबा भांड, अच्युत गोडबोले आणि डॉ. रामचंद्र देखणे यांचीही नावे चर्चेत होती. हे संमेलन महाराष्ट्र उदयगिरी महाविद्यालयात आयोजित केले जाईल, जे त्यावेळी त्याचा हीरक महोत्सव साजरा करेल.
बीडचे जिल्हाधिकारी म्हणून सरकारी सेवेतून निवृत्त झालेले मूळचे जालन्याचे रहिवासी असलेले ससाणे यांनी आठ लघुकथा, नऊ लघुकथा संग्रह, पाच कादंबऱ्या, बालसाहित्याची सहा पुस्तके, चार नाटके आणि अनेक लेख लिहिले आहेत. त्यांनी इतर भाषांमध्येही आठ पुस्तकांचे भाषांतर केले आहे, तर त्यांच्या 23 ग्रंथांचे भाषांतर झाले आहे. (हेही वाचा: फेब्रुवारीमध्ये होणारा मुंबईमधील प्रसिद्ध काळा घोडा कला महोत्सव पुढे ढकलला; लवकरच जाहीर होतील नव्या तारखा)
ससाणे यांना सात वेळा महाराष्ट्र शासनाचा उत्कृष्ट साहित्यिक पुरस्कार मिळाला असून, त्यांना नाट्यलेखन पुरस्कार, कै.नरहर कुरुंदकर पुरस्कार, कै.केशवराव कोथळे पुरस्कार इत्यादींनी सन्मानित करण्यात आले आहे. ते महाराष्ट्र राज्य साहित्य आणि संस्कृती मंडळाचे सदस्य आहेत.
(The above story first appeared on LatestLY on Jan 02, 2022 07:39 PM IST. For more news and updates on politics, world, sports, entertainment and lifestyle, log on to our website latestly.com).
