Beed Shocker: मुलीचा मृत्यू HIV ने झाल्याची अफवा; गावकऱ्यांनी कुटुंबावर टाकला सामाजिक बहिष्कार
पोलीस कर्मचाऱ्यामार्फत ही बातमी कुटुंबाच्या नातेवाईकांना कळवली. त्यानंतर गावातील लोकांनी कुटुंबावर बहिष्कार टाकला. आता पोलीस कर्मचारी आणि रुग्णालयातील डॉक्टरांनी आपल्या मुलीच्या सासरच्या मंडळींच्या प्रभावाखाली हे कृत्य केल्याचा आरोप पीडितेच्या कुटुंबीयांनी केला आहे.
महाराष्ट्रातील बीड (Beed) जिल्ह्यात एक धक्कादायक घटना घडली आहे. इथे गावकऱ्यांनी एका कुटुंबावर बहिष्कार टाकला आहे. कुटुंबातील मुलीच्या मृत्युनंतर गावातील लोकांनी कुटुंबाला वाळीत टाकल्याचा आरोप केला जात आहे. मुलीच्या मृत्यूचे कारण एचआयव्ही (HIV) संसर्ग असल्याची अफवा पसरवण्यात आली होती. या अफवेनंतर लोकांनी कुटुंबाशी संपर्क तोडला. या प्रकरणी पीडितेच्या कुटुंबीयांनी सरकारी रुग्णालयातील डॉक्टर आणि पोलीस कर्मचाऱ्याला जबाबदार धरले असून त्यांच्यावर कारवाई करण्याची मागणी केली आहे. या संदर्भात पीडितेच्या कुटुंबीयांनी बीडचे एसपी आणि डीएम यांना निवेदनही दिले आहे.
एसपी आणि डीएमला दिलेल्या तक्रारीत पीडित कुटुंबाने म्हटले आहे की, मे 2023 पासून त्यांच्या मुलीचा सासरच्या लोकांकडून छळ सुरू झाला. या संदर्भात त्यांनी ऑक्टोबर 2024 मध्ये पोलिसांत तक्रारही दाखल केली होती. दरम्यान, 13 डिसेंबर रोजी त्यांच्या मुलीचा मृत्यू झाला. तिला आष्टी येथील शासकीय रुग्णालयात नेले असता तेथे तैनात असलेल्या डॉक्टरांनी त्यांच्याशी गैरवर्तन केले. यावेळी एका पोलिसाने मुलीला एचआयव्ही संसर्ग झाल्याची अफवा पसरवली.
पोलीस कर्मचाऱ्यामार्फत ही बातमी कुटुंबाच्या नातेवाईकांना कळवली. त्यानंतर गावातील लोकांनी कुटुंबावर बहिष्कार टाकला. आता पोलीस कर्मचारी आणि रुग्णालयातील डॉक्टरांनी आपल्या मुलीच्या सासरच्या मंडळींच्या प्रभावाखाली हे कृत्य केल्याचा आरोप पीडितेच्या कुटुंबीयांनी केला आहे. पीडितेच्या कुटुंबीयांच्या म्हणण्यानुसार, ऑक्टोबर 2024 मध्ये त्यांच्या मुलीने सासरच्यांविरुद्ध दाखल केलेल्या तक्रारीचा पोलिसांनी अद्याप तपास सुरू केलेला नाही. तक्रार दाखल केल्यानंतर मुलीचे सासरचे लोक पोलिसांसोबत फिरताना दिसले होते. (हेही वाचा: Pune Shocker: लग्नाच्या नावाखाली विवाहित व्यक्तीने केली महिला डॉक्टरची फसवणूक; 10 लाखही उकळले, मानसिक धक्क्यामुळे तरुणीची आत्महत्या)
कुटुंबाने सांगितले की, त्यांच्या मुलीच्या मृत्यूच्या अफवेमुळे त्यांचा मुलगा आणि दुसरी मुलगी देखील त्यांच्याशी संबंध तोडून वेगळे राहू लागले. गावातील लोकांनी त्याच्यावर सामाजिक बहिष्कार टाकून त्याच्याशी बोलणे बंद केले आहे. तसेच या अफवेमुळे पीडित कुटुंबातील एका महिलेने दोन वेळा आत्महत्येचा प्रयत्न केल्याचे कुटुंबातील एका सदस्याने म्हटले आहे. दुसरीकडे, वैद्यकीय अधिकाऱ्यांनी हे आरोप फेटाळून लावले आहेत. बीडचे एसपी नवनीत कानवट या प्रकरणाचा तपास करत आहेत. जे काही तथ्य समोर येईल, त्यानुसार पुढील कारवाई केली जाईल.
(The above story first appeared on LatestLY on Jan 22, 2025 09:52 AM IST. For more news and updates on politics, world, sports, entertainment and lifestyle, log on to our website latestly.com).
