Assembly Winter Session 2019: राज्य विधीमंडळाचे हिवाळी अधिवेशन उद्यापासून सुरु होणार

राज्य विधामंडळाचे अधिवेशन उद्या (16 डिसेंबर) पासून नागपूर येथे सुरु होणार आहे. याबाबत विधानसभा अध्यक्ष नाना पटोले आणि विधान परिषदेत सभापती रामराजे नाईक-निबांळकर यांनी याबाबत घोषणा केली आहे. यंदाचे हिवाळी अधिवेशन 21 डिसेंबर पर्यंत सुरु राहणार असल्याचे स्पष्ट करण्यात आले आहे. या अधिवेशनात अवकाळी पाऊस, पूर्वीच्या सरकारच्या विविध प्रकल्पांना देण्यात आलेली स्थगिती, राज्याची आर्थिक स्थिती या मुद्द्यांसह अन्य गोष्टींवर सुद्धा अधिवेशनात चर्चा होणार आहे. तर गेल्या पाच वर्षापासून महाराष्ट्रात मुख्यमंत्री पदाची कमान सांभाळणाऱ्या देवेंद्र फडणवीस यांचे हे विरोधी पक्षनेते म्हणून पहिले अधिवेशन असणार आहे. तर दुसऱ्या बाजूला ठाकरे सरकारचे मुख्यमंत्री उद्धव ठाकरे यांचे हे पहिलेच अधिवेशन आहे.

उद्यापासून सुरु होणाऱ्या अधिवेशनात भाजप पक्ष कोणती भुमिका घेणार याकडे सर्वांचे लक्ष आहेच. पण नव्या सरकारपुढे काही आव्हाने सुद्धा विरोधी पक्षाकडून केली जाणार आहेत. पहिल्यांदाच शिवसेना पक्षाने राष्ट्रवादी-काँग्रेस पक्षासोबत राज्यात सत्ता स्थापन केली आहे. त्यामुळे भाजप पक्षाकडून शिवसेना आणि काँग्रेस मध्ये वादाची ठिणगी पाडण्याचा प्रयत्न करु शकतो. तर अधिवेशनात विरोधीपक्ष नेत्यांची निवड केली जाणार आहे.(ठाकरे सरकारने दिले राज्य खड्डेमुक्त करण्याचे आदेश; जागतिक बँकेकडून घेणार कर्ज)