Sanjay Raut On Sharad Pawar Statement: अजित पवार हे माझे नेते, शरद पवार असं बोललेचं नाहीत; संजय राऊत यांनी घेतली राष्ट्रवादीच्या वादात उडी

Sanjay Raut On Sharad Pawar Statement: शिवसेना नेते खासदार संजय राऊत (Sanjay Raut) यांनी मोठ वक्तव्य केलं आहे. शरद पवार (Sharad Pawar) यांनी अजित पवार यांचे नाव घेतलेले नाही. शरद पवार हे मान्यवर नेते असून ते राजकारणाचे भीष्म पितामह आहेत, असं संजय राऊत यांनी शरद पवार यांच्या विधानावर प्रतिक्रिया देताना म्हटलं आहे. शुक्रवारी शरद पवार यांनी अजित पवार आमचे नेते असून राष्ट्रावादीत कोणतीही फूट पडलेली नसल्याचं म्हटलं होतं. त्यानंतर संपूर्ण राजकीय वातावरणात चर्चांना उधाण आलं होतं.

शरद पवार यांच्या वक्तव्यावर प्रतिक्रिया देताना संजय राऊत म्हणाले की, त्यांचे वक्तव्य मी ऐकले आहे. शरद पवार म्हणाले की, आमच्या पक्षात कोणतीही फूट नाही. अजित पवार हे माझे नेते आहेत, असे त्यांनी आपल्या वक्तव्यात कुठेही म्हटलेले नाही. होय, ते पक्षाचे नेते आहेत. संजय राऊत पुढे म्हणाले की, शरद पवार हे या देशाच्या महाराष्ट्राच्या राजकारणाचे भीष्म पितामह असून त्यांचा देशात लौकिक आहे. (हेही वाचा - Sharad Pawar: ईडीची नोटीस आली, आम्ही घाबरलो नाही, काहींनी भूमिका बदलली: शरद पवार)

संजय राऊत पुढे बोलताना म्हणाले की, लढण्याचे दोन मार्ग आहेत. महाराष्ट्रात दोन परंपरा आहेत. छत्रपती शिवाजी महाराजांची शिवसेना थेट मैदानात लढते. दुसरे म्हणजे गनिमी कावा. ज्यांनी आमच्याशी बेईमानी केली त्यांच्याशी आम्ही थेट लढत आहोत. पवार साहेबांनी गनिम युद्धाचा मार्ग स्वीकारला आहे.

दरम्यान, शुक्रवारी शरद पवार यांनी अजित पवार हे आमचे नेते आहेत, यात वाद नाही, असे विधान केले होते. एवढेच नाही तर राष्ट्रवादीत कोणतीही फूट नसल्याचेही त्यांनी स्पष्ट केले. कोणत्याही नेत्याने वेगळी भूमिका घेतली असेल तर तो लोकशाहीत त्याचा अधिकार आहे. राष्ट्रवादी काँग्रेसचे सर्वेसर्वा शरद पवार यांच्या या वक्तव्यानंतर महाराष्ट्राच्या राजकारणात खळबळ उडाली आहे. पवारांच्या वक्तव्याच्या एक दिवस आधी सुप्रिया सुळे यांनीही राष्ट्रवादी काँग्रेस एकसंध असून अजितदादा आमचे नेते असल्याचं म्हटलं होतं.