Boy Commits Suicide In Kalyan: कल्याणमधील 13 वर्षीय मुलाची गळफास लावून आत्महत्या; सुसाइड नोटमध्ये शिक्षक आणि वर्गमित्रांवर छळ केल्याचा आरोप
इयत्ता आठवीत शिकणारा हा मुलगा संध्याकाळी 7:15 वाजता त्याच्या घरात लटकलेल्या अवस्थेत सापडला. घटनास्थळी एक सुसाईड नोट सापडली आहे. ज्यामध्ये त्याने आपल्या या निर्णयासाठी त्याच्या कला शिक्षक आणि वर्गमित्रांकडून मानसिक दबाव आणि छळ केल्याचा आरोप केला आहे.
Boy Commits Suicide In Kalyan: कल्याण (Kalyan) मधून अत्यंत खळबळजनक बातमी समोर येत आहे. येथील एका 13 वर्षीय मुलाने रविवारी संध्याकाळी गळफास लावून आत्महत्या (Suicide) केली. मृत मुलाने आत्महत्या करण्यापूर्वी सुसाईड नोट (Suicide Note) देखील लिहून ठेवली होती. या सुसाईड नोटमध्ये त्याने शिक्षक आणि वर्गमित्रांवर छळ केल्याचा आरोप केला आहे. पोलिस या प्रकरणाची सविस्तर चौकशी करत आहेत.
पोलिसांनी दिलेल्या माहितीनुसार, इयत्ता आठवीत शिकणारा हा मुलगा संध्याकाळी 7:15 वाजता त्याच्या घरात लटकलेल्या अवस्थेत सापडला. घटनास्थळी एक सुसाईड नोट सापडली आहे. ज्यामध्ये त्याने आपल्या या निर्णयासाठी त्याच्या कला शिक्षक आणि वर्गमित्रांकडून मानसिक दबाव आणि छळ केल्याचा आरोप केला आहे. (हेही वाचा -MBA Student Dies By Suicide: मालाडमध्ये 22 वर्षीय एमबीए विद्यार्थ्याची आत्महत्या; शैक्षणिक दबावामुळे सातव्या मजल्यावरून मारली उडी)
आत्महत्या केलेला विद्यार्थी हा कल्याण पूर्वेतील आयडियल स्कूलचा विद्यार्थी होता. मात्र, मृत मुलाने सुसाईड नोटमध्ये त्याच्या शाळेचे नाव लिहिलेले नाही. पोलिसांनी याप्रकरणी गुन्हा दाखल केला असून ते या प्रकरणाचा तपास करत आहेत. शाळेचे अधिकारी विद्यार्थ्याने सुसाईड नोटमध्ये नमूद केलेल्या शिक्षकांची आणि वर्गमित्रांची चौकशी करत आहेत. (हेही वाचा - Ghatkopar Businessman Dies By Suicide: घाटकोपरच्या 56 वर्षीय व्यावसायिकाची वांद्रे-वरळी सी लिंकवर आत्महत्या; मुलासाठी लिहून ठेवली सुसाईड नोट)
दरम्यान, गेल्या महिन्यात टिटवाळा येथे अशीच एक धक्कादायक घटना घडली होती. एका 16 वर्षीय मुलाने आत्महत्या करून आपलं जीवन संपवलं होतं. या विद्यार्थ्याने सुसाईड नोटमध्ये शाळा चालकाकडून शारीरिक शोषण आणि धमकावल्याचा आरोप केला होता.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)