Child Trafficking Racket Busted: लहान मुलांच्या तस्करी प्रकरणी 4 महिलांना अटक; मुंबई गुन्हे शाखेची कारवाई
14 मुलांची विक्री करणाऱ्या बाल तस्करीच्या रॅकेटप्रकरणी मुंबई गुन्हे शाखेने मंगळवारी आणखी चार महिलांना अटक केली. या चार महिलांना विशाखापट्टणम येथून अटक करण्यात आली असून त्यांच्या अटकेमुळे या प्रकरणातील एकूण अटक आरोपींची संख्या 14 झाली आहे.
Child Trafficking Racket Busted: अपत्य नसलेल्या जोडप्यांना 14 मुलांची विक्री करणाऱ्या बाल तस्करीच्या रॅकेट (Child Trafficking Racket) प्रकरणी मुंबई गुन्हे शाखेने (Mumbai Crime Branch) मंगळवारी आणखी चार महिलांना अटक (Arrest) केली. या चार महिलांना विशाखापट्टणम (Visakhapatnam) येथून अटक करण्यात आली असून त्यांच्या अटकेमुळे या प्रकरणातील एकूण अटक आरोपींची संख्या 14 झाली आहे. यात 12 महिलांचा समावेश आहे.
विशाखापट्टणममधील आठ महिन्यांची मुलगी आणि महाराष्ट्रातील अकोला जिल्ह्यातील दोन वर्षाच्या मुलाची पोलिसांनी सुटका केली. याशिवाय, पोलिसांनी 27 एप्रिल रोजी मालाड आणि रत्नागिरी येथून दोन 2 वर्षांच्या मुलांची सुटका केली आहे. त्यांना एप्रिल 2023 आणि डिसेंबर 2022 मध्ये अनुक्रमे 2 लाख आणि 5 लाख रुपयांना विकण्यात आले होते. (हेही वाचा -Navi Mumbai: 7 वर्षीय मुलीवर लैंगिक अत्याचार केल्याप्रकरणी 40 वर्षीय तरुणाला अटक; POCSO अंतर्गत गुन्हा दाखल)
गुन्हे शाखेने आतापर्यंत सुटका केलेल्या चारही मुलांना एका खाजगी अनाथाश्रमात ठेवण्यात आले आहे, असे गुन्हे शाखेचे पोलीस उपायुक्त रागसुधा आर यांनी सांगितले. सोमवारी गुन्हे शाखेच्या युनिट 2 ने घाटकोपरमधील असल्फा गावातील पूनम संतोष खराडे (29), नालासोपारा येथील रिना राजकिशोर गुप्ता (29) आणि नायगाव येथून स्वाती सहदेव भैरा या तीन महिलांना अटक केली. त्यांनी अंडी दाता स्नेहा सूर्यवंशी यांच्यामार्फत हैदराबाद आणि विशाखापट्टणममधील निपुत्रिक जोडप्यांना दोन महिन्यांपेक्षा कमी वयाच्या तीन मुलांची विक्री केली होती. त्यांना 27 एप्रिल रोजी अटक करण्यात आली होती. (हेही वाचा -7 months old baby Kidnap: रेल्वे स्थानकावरून 7 महिन्याच्या चिमुकल्याचे अपहरण, घटना CCTV कैद)
चौकशीदरम्यान, पूनम खराडेने कबुली दिली की ते सूर्यवंशीला एका कॉमन फ्रेंडच्या माध्यमातून ओळखत होती. तिने 15 दिवसांच्या मुलीला हैदराबाद येथील एका जोडप्याला या वर्षी फेब्रुवारी महिन्यात 2 लाख रुपयांना विकले होते. अलीकडेच, सूर्यवंशीने तिला सांगितले की तिला एका निपुत्रिक जोडप्यासाठी मुलगी हवी आहे. त्यानंतर रिनाने तीन महिन्यांच्या मुलीची व्यवस्था केली. तिने मार्चमध्ये विशाखापट्टणममध्ये जोडप्याला 1.4 लाखांमध्ये मुलीला विकले.
गुन्हे शाखेच्या युनिट 2 ने 27 एप्रिल रोजी पाच महिला आणि एका डॉक्टरसह सात आरोपींना अटक केली. तसेच गुन्हे शाखेने गेल्या दीड वर्षांत एक महिन्यापासून 4 वर्षे वयोगटातील 14 मुलांची कथित विक्री करणाऱ्या सिंडिकेटचा पर्दाफाश केला.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)