हिमाचल प्रदेश: कुल्लू मधील रायला गावात तीन मजली घराला लागली भीषण आग ; 24 फेब्रुवारी 2021 च्या ताज्या मराठी बातम्या आणि ब्रेकिंग न्यूज LIVE

हिमाचल प्रदेशच्या कुल्लू मधील रायला गावात तीन मजली घराला भीषण आग लागली असून सुदैवाने यात कोणतीही जीवितहानी झालेली नाही.

तामिळनाडू: मदुराईमधील 3 इलेक्ट्रॉनिक दुकानांना आग लागल्याची माहिती मिळत आहे. अधिक तपशिलाची प्रतीक्षा आहे.

राजस्थान: आज जयपूर आंतरराष्ट्रीय विमानतळावर 17,97,400 रुपये किंमतीचे स्मार्टफोन आणि मोबाईल उपकरणे आणि अंदाजे 17,400 रुपये किंमतीची विदेशी चलन आणि 4,400 रुपयांचे भारतीय चलन जप्त केले.

गेल्या 24 तासांत दिल्लीत 200 नवीन कोरोनाचे रुग्ण आढळून आले असून, 115 रुग्ण बरे झाले आहेत. आज शहरात 2 मृत्यूची नोंद झाली आहे. दिल्लीमधील एकूण रुग्णसंख्या 6,38,373 झाली असून, आतापर्यंत 6,26,331 रुग्ण बरे झाले आहेत. सध्या इथे 1137 सक्रीय रुग्ण आहेत.

केरळच्या त्रिशूर येथील गुरुवायूर मंदिरात गुरुवायूर मंदिर उत्सव सुरू होण्याच्या निमित्ताने आज गुरुवारी हत्तींच्या शर्यतीचे आयोजन करण्यात आले होते.

मध्य प्रदेशात महिलेने कोरोनाचा दुसरा डोस घेतल्यानंतर मृत्यू झाला आहे.

BKU चे अध्यक्ष नरेश टिकैत यांनी संरक्षण मंत्री राजनाथ सिंह यांना पिंजऱ्यातील पोपट म्हणून संबोधले आहे.

सोनापूर परिसरात नक्षलवाद्यांकडून घडवून आणण्यात आलेल्या बॉम्ब स्फोटात ITBP जवानाचा मृत्यू तर गोळीबारात DRG जवान जखमी झाला आहे.

सोलापूर आणि सिंधुदुर्ग जिल्ह्यात रात्री 11 ते सकाळी 5 वाजेपर्यंत संचार बंदी लागू करण्यात आली आहे.

दिल्लीत नर्सरी ते इयत्ता दुसरीच्या वर्गातील विद्यार्थ्यांना  पुढील शैक्षणिक वर्ष 2021-22 साठी प्रमोट केले जाणार आहे.

महाराष्ट्रात कोरोनाचे आणखी 8870 रुग्ण आढळले असून 80 जणांचा गेल्या 24 तासात बळी गेला असून राज्यातील कोविड19 चा आकडा 21,21,119 वर पोहचला आहे.

आज संध्याकाळी 6 वाजेपर्यंत 1 कोटी 23 लाख 66 हजार 633 आरोग्य सेवेतील कामगारांना कोरोना लस देण्यात आली.

देशात आतापर्यंत 1,23,66,633 हेल्थवर्कर्स आणि 2,63,224 फ्रंटलाईन वर्कर्सला कोरोनाची लस दिल्याची आरोग्य मंत्रालयाने माहिती दिली आहे.

दिल्लीत 8 वी च्या इयत्तेचा परीक्षा ऑफलाईन पद्धतीने होणार नाहीत.

हरियाणा मध्ये पहिली आणि दुसरीचे वर्ग येत्या 1 मार्च पासून सुरु करण्याचा सरकारने निर्णय घेतला आहे.

उत्तराखंड मध्ये झालेल्या पुर परस्थिती प्रकरणी 70 जणांचे मृतदेह बाहेर काढण्यात आले असून अद्याप 29 जण बेपत्ता असल्याची  पोलिसांनी माहिती दिली आहे.

प्रसिद्ध व्हिडिओ शेअरिंग अॅप TikTok कडून US मधील तब्बल 340,000 व्हिडिओ काढण्यात आल्या असून त्यात नियमांचे उल्लंघन केल्याने  हा निर्णय घेतला गेला आहे.

मी राजकरणात आहे म्हणून  माझा राग केला जातो अशी टीका पश्चिम बंगालच्या मुख्यमंत्री ममता बॅनर्जी यांनी भाजपवर केली आहे.

देशातील सरकार हे Moneties आणि Modernise च्या मंत्रानुसार पुढे वाटचाल करत असल्याचे पंतप्रधान नरेंद्र मोदी यांनी म्हटले आहे.

शेअर मार्केटमध्ये सेनसेक्स 1030 वर पोहचला तर निफ्टी 14,900 वर स्थिरावला आहे.