QuickLY
Socially
ब्रेकअप नंतरच्या दु:खातून बाहेर येणे अतिशय त्रासदायक असते. प्रेमाचे नाते अचानक संपल्यास स्वत:ला सांभाळणे मुश्किल होऊन जाते. खासकरुन सध्या कोरोनाच्या परिस्थितीत ज्यांचे ब्रेकअप झाले असल्यास त्यांना त्यामधून सावरणे थोडे कठीण होऊ शकते. परंतु अशा वेळी घरात राहून राहून जुन्या गोष्टींकडे लक्ष वेधले जाऊ शकते. साधारण ब्रेकअप नंतर त्यामधील दु:खातून बाहेर येण्यासाठी जगातील लोक स्वत:ला व्यस्त ठेवण्याचा प्रयत्न करतात. मित्रमैत्रींना भेटणे, त्यांच्यासोबत बाहेर फिरायला जाणे, छंद जोपासणे अशा गोष्टी करतात. मात्र लॉकडाउनच्या काळात या सर्व गोष्टी करणे शक्य नाही आहे. त्यामुळे घरात राहून तुम्हाला स्वत:ला सावरणे अत्यंत गरजेचे आहे.
लॉकडाउनच्या काळात घराबाहेर पडता येत नाही तर काय झाले. परंतु भुतकाळातून आपण स्वत:ला सावरणे अत्यंत गरजेचे आहे. तर सध्याच्या लॉकडाउनमध्ये प्रेरक चित्रपटांची लिस्ट बनवून त्या ऑनलाईन पहा. त्यामुळे जुन्या गोष्टी बाजूला सारत तुम्ही त्यामध्ये गुंतून रहाल. ऐवढेच नाही तर एखाद्या कामात स्वत:ला व्यस्त ठेवण्याचा प्रयत्न करा.(Relationship Tips: सोशल मीडियात तुमचे प्रेम खुल्या पद्धतीने व्यक्त करण्यापूर्वी लक्षात ठेवा 'या' गोष्टी)
सध्या बदलत्या काळानुसार लोक सुद्धा बदल असून नव्या ट्रेन्डनुसार रिलेशनशिपसाठी पार्टनरचा शोध डेटिंग अॅपच्या माध्यमातून घेतला जातो. त्यामुळे जर तुमचे ब्रेकअप झाल्यास जुन्या दु:खातून बाहेर येण्यासाठी डेटिंग अॅपचा फायदा घेऊ शकता. त्यामुळे तेथे जर तुम्ही नवी मित्र जोडल्यास तुमचे मन हलके सुद्धा होईल.
