Gudi Padwa 2025 Shobha Yatra Places: गुढीपाडव्यानिमित्त मुंबईतील प्रसिद्ध 'गिरगाव शोभा यात्रा' आणि दादर येथील शोभायात्रेबद्दल जाणून घ्या खास गोष्टी

Gudi Padwa 2025 Shobha Yatra Places: गुढी पाडव्याचा सण काही दिवसांवर आला आहे. मराठी नववर्षाची (Marathi New Year 2025) सुरुवात करणारा हा सण भव्यतेने साजरा करण्यासाठी मुंबईकर सज्ज झाले आहेत. या सणाचा उत्सव केवळ मुंबईतील घरांपुरता मर्यादित नसून तो उत्साही मिरवणुका आणि सांस्कृतिक कार्यक्रमांसह सामुदायिक पद्धतीने साजरा करण्यात येतो. 'शोभा यात्रा' किंवा 'नववर्ष स्वागत यात्रा' ही शहरातील गुढी पाडव्याच्या उत्सवातील सर्वात आकर्षक वैशिष्ट्यांपैकी एक आहे. मुंबईत गुढीपाडव्या निमित्त निघणाऱ्या शोभायात्रेचा अनुभव तुम्हाला घ्यायचा असेल, तर तुम्ही गिरगाव शोभा यात्रेत (Girgaon Shobha Yatra 2025) सहभागी होऊ शकता.

गिरगाव शोभायात्रा -

गुढी पाडव्याच्या दिवशी, मुंबईतील गिरगाव येथे भव्य शोभायात्रा (Girgaon Shobha Yatra 2025) पार पडते. गुढीपाडव्याच्या दिवशी गिरगाव परिसरात पारंपारिक ढोल ताशाचे आवाज ऐकू येतात आणि पारंपारिक पोशाखात सजलेले मुंबईकर, बाईक रॅली आणि इतर सांस्कृतिक कार्यक्रमांमध्ये सहभागी होताना दिसतात. मुंबईतील गुढी पाडव्याचा सण अनुभवण्यासाठी गिरगाव हे सर्वोत्तम ठिकाणांपैकी एक आहे. (हेही वाचा -  (हेही वाचा - Gudi Padwa 2025 Mehndi Designs: हिंदू नववर्ष गुढी पाडव्यानिमित्त हातावर काढा 'या' सोप्या आणि सुंदर मेहंदी डिझाईन्स (Watch Video))

गिरगाव शोभा यात्रा तारीख, वेळ आणि ठिकाण -

मुंबईत गुढीपाडव्यानिमित्त विविध ठिकाणी शोभायात्रा निघत असल्या तरी गिरगावमधील शोभा यात्रा सर्वात लोकप्रिय आहे. ही यात्रा स्वामी विवेकानंद युवा प्रतिष्ठान दरवर्षी आयोजित करते, गिरगाव शोभा यात्रा 2025 मध्ये तिचे 23 वे वर्ष साजरे करत आहे. स्वामी विवेकानंद युवा प्रतिष्ठानने इंस्टाग्रामवर शेअर केलेल्या माहितीनुसार, गिरगाव शोभा यात्रा रविवार, 30 मार्च रोजी सकाळी 8 वाजता गिरगावमधील फडके वाडी गणपती मंदिरापासून सुरू होईल.

गेल्या काही वर्षांपासून, गिरगाव शोभा यात्रेत वर्षाच्या थीमशी संबंधित मूर्ती आणि झांकींचा समावेश केला जातो. गिरगाव हे मिरवणुकीव्यतिरिक्त गुढीपाडव्याच्या उत्सवांचे केंद्र आहे. उत्सवी खाद्यपदार्थांचे स्टॉल, बाल्कनी आणि खिडक्यांवर 'गुढी' तसेच रस्त्यांवर मोठ-मोठ्या आकर्षक रांगोळ्यांनी मन आनंदी होऊन खऱ्या अर्थाने मराठी नववर्षाला सुरुवात झाल्याचा अनुभव मिळतो. (Gudi Padwa 2025 Mehndi Designs) काढू शकता. (हेही वाचा - गुढी पाडवा निमित्त सहज सोप्या रांगोळ्या दारात काढून करा नवं वर्ष साजर. )

दादर येथील शोभायात्रा -

याशिवाय, दादर हे मुंबईतील गुढी पाडव्याच्या उत्सवाचे एक केंद्र आहे, जिथे अनेक मिरवणुका निघतात. गुढीपाडव्याच्या दिवशी दादरमध्ये रांगोळ्या, रंगीबेरंगी सजावट, पारंपारिक ढोल ताशा आणि महाराष्ट्रीयन पोशाखांनी रस्ते चैतन्यशील होतात. याव्यतिरिक्त, दादरच्या फुलांच्या बाजारात उत्सवापूर्वी मोठी गर्दी होते कारण लोक पूजा आवश्यक वस्तू खरेदी करतात. गुढीपाडव्यानिमित्त दादरमध्ये निघणारी शोभायात्रा तुम्हाला मराठी नवीन वर्षाचा एक नवा आनंद आणि अनुभव देईल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)