International Women's Day 2022 Google Doodle: आंतरराष्ट्रीय महिला दिन 2022 निमित्त समाजात स्त्री निभावणार्‍या विविध रूपांनी सजलयं आजचं गूगल डूडल

जगातील आघाडीचं सर्च इंजिन गूगलने (Google) आज आंतरराष्ट्रीय महिला दिनाच्या (International Women's Day) निमित्ताने खास गूगल डूडल (Google Doodle) बनवले आहे. आज गूगलच्या होमपेजवर स्पेशल अ‍ॅनिमेटेड डूडल झळकत आहे. ज्यामध्ये समाजाच्या विविध स्तरावर काम करणार्‍या महिलांचं रूप पहायला मिळत आहे. यात महिला एक होम मेकर ते वैज्ञानिक असा तिची अनेक रूपं दाखवण्यात आली आहेत. हे देखील नक्की वाचा: Happy Women's Day 2022 Wishes In Marathi: महिला दिनाच्या शुभेच्छा WhatsApp Status, Facebook Messages द्वारा शेअर करत स्पेशल 'तिचा' आजचा दिवस!

डूडल व्हिडिओची सुरूवात घरात बाळाचं संगोपन करत लॅपटॉपवर काम करत एका 'बिझी स्त्री' पासून होते. नंतर झाडांना पाणी घालणारी, एक सर्जरी डिरेक्ट करणारी अशी अनेक रूपं तिची आहेत. दरम्यान आजचं गूगल डूडल Art Director Thoka Maer यांनी साकारलं आहे.

दरवर्षी 8 मार्च दिवशी आंतरराष्ट्रीय महिला दिन साजरा केला जातो. या दिवसाच्या निमित्ताने जगभरातील महिलांनी सामाजिक, आर्थिक, सांस्कृतिक आणि राजकीय पटलावर केलेल्या उत्तुंग कामगिरीचं कौतुक केले जाते.

यंदा संयुक्त राष्ट्राने आंतरराष्ट्रीय महिला दिन 2022 ची थीम "Gender Equality Today for a Sustainable Tomorrow" अशी ठेवली आहे. आजही अस्तित्वात असलेल्या लिंगभेदासह महत्त्वाच्या मुद्द्यांकडे लक्ष वेधून विविध क्षेत्रातील महिलांच्या कर्तृत्वावर प्रकाश टाकणे आणि ओळखणे हे आंतरराष्ट्रीय महिला दिनाचे उद्दिष्ट आहे. हे 1911 पासून पाळले जात आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)