Uttar Pradesh: मुस्लिम विद्यार्थ्याला हिंदू वर्गमित्राला कानशिलात मारण्यास सांगणाऱ्या शाळेतील शिक्षकाला अटक
विद्यार्थ्याच्या वडिलांनी भारतीय दंड संहितेच्या (IPC) कलम 323 आणि 153-A (धर्माच्या आधारावर शत्रुत्व वाढवणे) अंतर्गत असमोली पोलिस ठाण्यात शिक्षकाविरुद्ध तक्रार नोंदवली. हा विद्यार्थी पाचवीतला असून मुस्लिम विद्यार्थ्याने शिक्षकाच्या सांगण्यावरून हिंदू विद्यार्थ्याला थप्पड मारण्यास सांगितले होते, असे पीडित विद्यार्थ्याच्या वडिलांनी आपल्या तक्रारीत पोलिसांना सांगितले.
Uttar Pradesh: उत्तर प्रदेशातील एका वर्गातील आणखी एका धक्कादायक घटनेत एका खाजगी शाळेतील शिक्षकाने एका मुस्लिम विद्यार्थ्याला एका प्रश्नाचे अचूक उत्तर न दिल्याबद्दल शिक्षा म्हणून हिंदू वर्गमित्राला कानशिलात मारण्याचा आदेश दिला. ही घटना गुरुवारी (28 सप्टेंबर) घडली. सोशल मीडियावर व्हायरल असलेल्या व्हिडिओमध्ये बालक कॅमेऱ्यावर या परीक्षेबद्दल बोलत असल्याचे दिसत आहे.
मीडिया रिपोर्ट्सनुसार, पीडित विद्यार्थ्याच्या वडिलांनी शाइस्ता नावाच्या आरोपी शिक्षकाविरुद्ध तक्रार दाखल केली, ज्याने वर्गातील मुस्लिम विद्यार्थ्याला हिंदू विद्यार्थ्याला कानशिलात मारण्याचा आदेश दिला होता. (हेही वाचा - Noida Petrol Pump Fight Video: नोएडात गुंडगिरी, पेट्रोलपंपवर तरुणाला लाथा-बुक्क्यांनी बेदम मारहाण, घटना सीसीटीव्हीत कैद)
विद्यार्थ्याच्या वडिलांनी भारतीय दंड संहितेच्या (IPC) कलम 323 आणि 153-A (धर्माच्या आधारावर शत्रुत्व वाढवणे) अंतर्गत असमोली पोलिस ठाण्यात शिक्षकाविरुद्ध तक्रार नोंदवली. हा विद्यार्थी पाचवीतला असून मुस्लिम विद्यार्थ्याने शिक्षकाच्या सांगण्यावरून हिंदू विद्यार्थ्याला थप्पड मारण्यास सांगितले होते, असे पीडित विद्यार्थ्याच्या वडिलांनी आपल्या तक्रारीत पोलिसांना सांगितले. या घटनेमुळे आपल्या मुलाच्या भावना दुखावल्या गेल्याचे वडिलांनी सांगितले. तसेच शिक्षकावर कारवाई करण्याचे आवाहन केले.
भारतीय दंड संहितेच्या (आयपीसी) संबंधित कलमांतर्गत गुन्हा दाखल करण्यात आला असून, या प्रकरणाच्या तपासानुसार कारवाई केली जाईल, असे पोलिसांनी सांगितले आहे. या घटनेने मुझफ्फरनगर शाळेतील (नेहा पब्लिक स्कूल) आठवणी पुन्हा एकदा ताज्या झाले आहेत. येथे एका शिक्षकाने मुस्लिम विद्यार्थ्याच्या वर्गमित्राला कानशिलात मारण्याचा आदेश दिला होता. या घटनेचा व्हिडिओ समोर आल्याने खळबळ उडाली होती.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)