Uttar Pradesh Crime: लग्नसमारंभात बंदुकीची आतषबाजी पडली महागात; महिलेचा मृत्यू, निवृत्त सैनिकाला 10 वर्षे तुरुंगवास 5 लाख दंड

Uttar Pradesh Crime: कानपूरमधील निवृत्त सैनिकाला लग्नसमारंभात महिलेची हत्या केल्याप्रकरणी 10 वर्षांची शिक्षा सुनावण्यात आली आहे. मिळालेल्या माहितीनुसार, मिरवणुकीचे स्वागत करत असताना गोळी महिलेला लागली. उपचारादरम्यान तिचा रुग्णालयात मृत्यू झाला. अजय कुमारला असे आरोपी निवृत्त सैनिकाचे नाव आहे. अतिरिक्त जिल्हा व सत्र न्यायाधीशांनी निष्काळजीपणामुळे मृत्यूस कारणीभूत ठरल्याबद्दल निवृत्त सैनिकाला 5.2 लाखांचा दंड ठोठावला आहे. दंड न भरल्यास अतिरिक्त दोन वर्षांचा तुरुंगवास भोगावा लागणार आहे. शिवाय दंडाच्या पन्नास टक्के रक्कम मृत रश्मी दीक्षितच्या मुलांना देण्याचा निर्णय न्यायालयाने दिला आहे. (हेही वाचा: Wayanad Landslide Update: वायनाडमध्ये भूस्खलनात मृतांचा आकडा 143 वर, अद्याप शेकडो बेपत्ता; सर्च ऑपरेशन सुरू(Watch Video))

ADGC धर्मेंद्र पाल सिंह यांच्या म्हणण्यानुसार, नौगाव गावातील एक रक्षक जिया लाल यांनी नोंदवले की, 8 फेब्रुवारी 2021 रोजी, जय प्रयाग मॅरेज लॉनमध्ये अंकित आणि प्रियाचा लग्न समारंभ होता. मिरवणूकीचे स्वागत करताना निवृत्त सैनिकाने गोळीबार केला. रश्मी दीक्षित यांना गोळी लागली, त्यानंतर त्यांचा उपचारादरम्यान रुग्णालयात मृत्यू झाला.(हेही वाचा: UP Shocker: चार मुलांची आई प्रियकरासह पळून गेली, घरात ठेवलेली रोकड आणि दागिनेही लंपास)

या घटनेनंतर अजय कुमार यांना अटक करण्यात आली असून पोलिसांना घटनेदरम्यान दोन रिव्हॉल्वरही सापडल्या आहेत. फिर्यादीच्या साक्षीदाराने साक्ष दिली की त्यांनी अजय कुमार दीक्षित यांना गोळीबार थांबवण्याचा इशारा दिला होता. त्यामुळे कोणाचे तरी नुकसान होऊ शकते असे म्हटले. पण दीक्षित यांनी याकडे दुर्लक्ष केले. परिणामी स्टेजजवळ नाचत असलेल्या रश्मी दीक्षित यांना गोळी लागली.