Vande Bharat Express for Maharashtra: प्रवाशांसाठी खुशखबर! 10 फेब्रुवारीला मुंबई दौऱ्यावर असताना पंतप्रधान नरेंद्र मोदी CSMT-Solapur आणि CSMT-Shirdi वंदे भारत एक्सप्रेसला हिरवा झेंडा दाखवण्याची शक्यता
सीएसएमटी-सोलापूर ही ट्रेन आठवड्यातून 6 दिवस धावेल. ही गाडी सोलापूरहून सकाळी 6.05 वाजता सुटून दुपारी 12.35 वाजता सीएसएमटीला पोहोचणे अपेक्षित आहे.
Vande Bharat Express for Maharashtra: पंतप्रधान नरेंद्र मोदी (Prime Minister Narendra Modi) 10 फेब्रुवारी रोजी मुंबई दौऱ्यावर असताना सीएसएमटी-सोलापूर आणि सीएसएमटी-शिर्डी या दोन वंदे भारत एक्सप्रेस (Vande Bharat Express Trains) गाड्यांना हिरवा झेंडा (Flag Off) दाखवण्याची शक्यता आहे. अधिका-यांनी आखलेल्या तात्पुरत्या वेळापत्रकानुसार, महाराष्ट्रातील लोकप्रिय तीर्थक्षेत्रांना सुलभ कनेक्टिव्हिटी प्रदान करणार्‍या गाड्यांना हिरवा झेंडा दाखवण्यासाठी मोदी सीएसएमटीला भेट देतील अशी अपेक्षा आहे.
या दिवशी उद्घाटन रन तात्पुरते दुपारी 3 वाजता सीएसएमटी ते शिर्डी आणि सोलापूर ते सीएसएमटी असे असेल. दोन राज्यांतर्गत वंदे भारत एक्सप्रेस असणारे महाराष्ट्र हे पहिले राज्य असेल. मुंबई सेंट्रल आणि गांधीनगर कॅपिटल दरम्यान पहिली धावणारी ही मुंबईतून चालणारी तिसरी वंदे भारत असेल. (हेही वाचा - Mann Ki Baat: लोकशाही आपल्या नसांमध्ये आहे, प्रथम राष्ट्र हेचं सरकारचे लक्ष - पंतप्रधान नरेंद्र मोदी)
सूत्रांनी सांगितले की, सीएसएमटी-सोलापूर ही ट्रेन आठवड्यातून 6 दिवस धावेल. ही गाडी सोलापूरहून सकाळी 6.05 वाजता सुटून दुपारी 12.35 वाजता सीएसएमटीला पोहोचणे अपेक्षित आहे. सीएसएमटीहून सुटण्याची वेळ दुपारी 4.10 असेल. तर ही ट्रेन रात्री 10.40 वाजता सोलापूरला पोहोचेल. सिद्धेश्वर एक्सप्रेसने 7 तास 55 मिनिटांच्या तुलनेत हे अंतर कापण्यासाठी ट्रेनला 6 तास 30 मिनिटे लागतील. या मार्गात गाडीला दादर, ठाणे, लोणावळा आणि कुर्डुवाडी येथे थांबे असतील.
वंदे भारत ट्रेन सीएसएमटी-शिर्डी ही सीएसएमटी येथून सकाळी 6.15 वाजता सुटेल आणि साई नगर शिर्डी येथे दुपारी 12.10 वाजता पोहोचेल. परतीच्या प्रवासात ही गाडी साई नगर शिर्डी येथून सायंकाळी 5.25 वाजता सुटेल आणि रात्री 11.18 वाजता सीएसएमटीला पोहोचेल. या दोन ठिकाणांदरम्यानच्या प्रवासासाठी या ट्रेनला 5 तास 55 मिनिटे लागतील. ही ट्रेन मंगळवार वगळता आठवड्यातून 6 दिवस चालेल. दोन्ही वंदे भारत एक्सप्रेसमध्ये 16 डबे असतील ज्यात 1,128 प्रवासी बसू शकतील.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)