PM Modi Files Nomination From Varanasi (PC - X/ANI)

PM Modi Files Nomination From Varanasi: पंतप्रधान नरेंद्र मोदी (PM Narendra Modi) यांनी आज वाराणसी लोकसभा मतदारसंघातून (Varanasi Lok Sabha Constituency) उमेदवारी अर्ज दाखल केला. उमेदवारी दाखल करण्यापूर्वी पंतप्रधान मोदी वाराणसीत शहरात आले आणि त्यांनी दशस्वमेध घाटावर प्रार्थना केली. तसेच वाराणसीतील कालभैरव मंदिरातही पूजा केली. माध्यमांशी बोलताना पंतप्रधान म्हणाले की, त्यांचे काशी (वाराणसीचे दुसरे नाव) सोबतचे नाते अविभाज्य आणि अतुलनीय आहे. एका X पोस्टमध्ये, पीएम मोदींनी काशीबद्दलचे त्यांचे प्रेम आणि गेल्या काही वर्षांत गंगा नदीशी त्यांचे नाते कसे बहारले याबद्दल बोलताना त्यांचा एक व्हिडिओ शेअर केला आहे.

व्हिडीओमध्ये पंतप्रधान त्यांच्या शहरातील विविध दौऱ्यांदरम्यान त्यांच्या अनेक रोड शोसह पूजा आणि दर्शन करत असल्याचेही दाखवण्यात आले आहे. मी 2014 मध्ये काशीला गेलो होतो तेव्हा मला वाटले की मला 'मा गंगा'ने शहरात बोलावले आहे. दहा वर्षे उलटून गेली आहेत, आणि काशीशी माझे नाते अधिकच घट्ट झाले आहे आणि मी आता तिला 'माझी काशी' असे संबोधतो. मला काशीशी आई-मुलाचे नाते वाटते, असे भावनिक विधानही पंतप्रधान मोदींनी केलं आहे. (हेही वाचा -PM Modi Performs Ganga Aarti in Varanasi : पंतप्रधान मोदींकडून वाराणसीतील दशस्वमेध घाटावर ‘गंगा आरती’; आज दाखल करणार उमेदवारी अर्ज (Watch Video))

ही लोकशाही आहे आणि मी लोकांचे आशीर्वाद घेत राहीन. मात्र, काशीशी माझे नाते काही वेगळे आहे. 2014 मध्ये भाजपचे पंतप्रधानपदाचे उमेदवार म्हणून पहिल्यांदा वाराणसीमधून निवडणूक लढवलेले पंतप्रधान मोदी वाराणसी मतदारसंघातून सलग तिस-यांदा निवडणूक लढवत आहेत. येथे लोकसभा निवडणुकीच्या सातव्या आणि शेवटच्या टप्प्यात 1 जून रोजी मतदान होणार आहे. (हेही वाचा:Loksabha Elections 2024: वाराणसीमध्ये PM Narendra Modi 14 मे रोजी पुष्य नक्षत्रावर दाखल करणार उमेदवारी अर्ज; जाणून घ्या पंतप्रधानांनी का निवडला हा दिवस)

पहा व्हिडिओ - 

सोमवारी, पंतप्रधान मोदींनी वाराणसीमध्ये रोड शो केला. तसेच यावेळी त्यांनी आपल्या तिसऱ्या कार्यकाळात पवित्र शहराची सेवा करण्यासाठी आणखी बरेच काही करण्याची शपथ घेतली. लोकांची जिव्हाळा आणि आपुलकी अविश्वसनीय असल्याचंही मोदी यावेळी म्हणाले.