Budget 2020 Highlights: अर्थसंकल्पानंतर शेअर बाजार मध्ये निराशा; सेन्सेक्स, निफ्टी गडगडली

अर्थसंकल्पानंतर शेअर बाजार मध्ये निराशा; सेन्सेक्स, निफ्टी गडगडली आहे. सेन्सेक्स 650 अंकांनी कोसळला आहे.

करदात्यांना टॅक्स भरणं आता सुकर होणार आहे. करदात्यांना मोठा दिलासा देण्यात आला आहे.  

5-7.5 लाख उत्पन्न असणार्‍याला 10% टॅक्स भरावा लागेल. 

7.5 ते 10 लाख उत्पन्न असणार्‍याला 15% टॅक्स भरावा लागेल. 

10 ते  12.5  लाख उत्पन्न असणार्‍याला 20% टॅक्स भरावा लागेल. 

12.5 ते 15  लाख उत्पन्न असणार्‍याला 25% टॅक्स भरावा लागेल. 

दरम्यान 2.5 लाखापर्यंत उत्पन्न असणार्‍यांना कोणताही टॅक्स भरावा लागणार नाही. मात्र आता नव्या आणि जुन्या टॅक्स सिस्टिमची निवड करणंं हे करदात्यांच्या हातामध्ये असेल.  

आयडीबीआय बॅंकेतील सरकारी भागिदारी सरदार विकणार आहे. त्यसोबतच एलआयसीमधील मोठा भागदेखील सरकार विकण्याचा विचारात असल्याचं अर्थमंत्री निर्मला सीतारमण यांनी म्हटलं आहे. LIC  चा आयपीओ बाजाणारात आणणार . 

करदात्यांचा त्रास कमी करण्याचं प्रयत्न मोदी सरकार करणार आहे. टॅक्स देणार्‍यांच्या संरक्षणासाठी विशेष कायदा करणार. आता विश्वासार्ह वातावरण निर्माण केले जाणार आहे. टॅक्स पेअर चार्ट बनवला जाणार आहे. आता बॅंकिंग इन्श्युरंस वाढवले जाणार तसेच बॅंकांमधील गुंतवणूक सुरक्षित ठेवण्याचा प्रयत्न केले जाणार आहेत. आता 1 लाखावरून विमा सुरक्षा 5 लाख करण्यात आली आहे.  

भारतामध्ये आज सादर झालेल्या अर्थसंकल्पामध्ये वृद्ध आणि दिव्यांगांसाठी 9500 कोटींची तरतूद करण्यात आली आहे. तर एसटी आणि एसटी कल्याण योजनेसाठी 85 हजार कोटींची तरतूद करण्यात आली आहे. तर पर्यटनाच्या विकासासाठी 2हजार 500 कोटींची तरतूद करण्यात आली आहे. सांस्कृतिक खात्यासाठी 3150 कोटींची तरतूद करण्यात आली आहे. 

'बेटी बचाव बेटी पढाओ' योजनेला उत्तम यश आलं आहे. मुलांच्या तुलनेत मुलींच्या शिक्षणातील प्रमाण वाढलं आहे. टास्क फोर्सच्या माध्यमातून आता मुलींच्या शिक्षण, आरोग्य ते विवाहाच्या बाबतीत सूचना दिल्या जातील. आता बालविवाहाचं प्रमाण कमी झालं आहे. 

मुंबई- अहमदाबादमधील हायस्पीड ट्रेन आता पर्यटकांचं आकर्षण बनवण्याचं उद्दिष्ट आहे. दिल्ली- मुंबई एक्सप्रेस वे 2023 पर्यंत पूर्ण केला जाणार आहे. 550 स्टेशनवर वाय फाय सुविधा उपलब्ध केली जाणार आहे. जलमार्गांप्रमणेच हवाई मार्ग सुधारले जातील. तेजस एक्सप्रेस वाढवल्या जाणार आहेत. 

लवकरच नवं शिक्षण धोरण जाहीर केले जाईल. तसेच वर्षभरासाठी नव्या इंटर्नशिप्स सुरू केल्या जातील. ऑनलाईन शिक्षणाच्या माध्यमातून शिक्षणच्या कक्षा रूंदावल्या जाणार आहेत. उच्च शिक्षणासाठी सरकार विशेष प्रयत्न करणार आहे. डिप्लोमासाठी 2021 पर्यंत नव्या संस्था सुरू केल्या जातील. शिक्षण क्षेत्रासाठी 99 हजार 300 कोटींची गुंतवणूक  केली जाणार आहे.  

आरोग्य क्षेत्रासाठी 69 कोटीची तरतूद करण्यात आली आहे. टीबी हारेगा इंडिया जितेगा असा नारा देत भारतातून क्षयरोग म्हणजेच  TB चा नायनाट करण्याचं उद्दिष्टं आहे. तसेच पीपीपी मॉडेलद्वारा रूग्णालयांची उभारणी केली जाणार आहे. 

शेतकर्‍यांसाठी बजेट 2020 मध्ये 15 लाख  कोटींच्या कर्जाची तरतूद  करण्यात आली आहे. दरम्यान किनारपट्टीजवळ राहणार्‍यांसाठी सागरमित्र योजना राबवली जाणार आहे. तर मासे उत्पादन 200 लाख टन वाढवण्याचं उद्दिष्ट असेल.

शेतकर्‍यांच्या उत्त्पन्नामध्ये वाढ करण्यासाठी 15 लाख शेतकर्‍यांना सोलर पंप देणार. लवकरच किसान रेल, किसान उड्डाण सुरू केले जातील यामुळे बियाणांची देवाणघेवाण वाढवली जाईल तसेच शेतकरी महिलांसाठी खास योजनेची घोषणा. दरम्यान रासायनिक खतं टाळण्याचा सल्ला दिला आहे. झिरो बजेट शेतीचा चालना देणार आहे. 

भारताची अर्थव्यवस्था जगातील पाचवी मोठी अर्थव्यवस्था आहे. भारतामध्ये विकासदर  उत्तम स्थितीमध्ये आहे. तर आयुष्यमान भारत , पंताप्रधान निवास योजना, उज्ज्वला योजनांचा भारतीयांना फायदा होत आहे. दरम्यान 27 कोटी लोकांना दारिद्र रेषेतून बाहेर काढण्यात यश आलं आहे. घरगुती खर्च देखील 4% कमी झाला आहे. आरोग्य, शिक्षण आणि रोजगार याच्यावर भर देताना 'सबका साथ सबका विकास' या तत्त्वावर आधारित यंदाचा अर्थ संकल्प असेल अशी माहिती अर्थमंत्री निर्मला सीतारमण यांनी दिली आहे. 

मंदीच्या सावटाखाली असलेल्या भारताच्या अर्थव्यवस्थेला चालना देण्यासाठी मोदी सरकार काम करत आहे. दरम्यान जीएसटीचा सर्वसामान्यांना मोठ्या प्रमाणात फायदा होत आहे. जीएसटी हे ऐतिहासिक पाऊल असल्याचं सांगण्यात महागाई दर नियंत्रणात ठेवण्यात यश आलं आहे. 

अर्थमंत्री निर्मला सीतारमण कडून अर्थसंकल्प 2020-21 च्या वाचनाला सुरूवात झाली आहे. नव्या दशकातील पहिल्या बजेटच्या वाचनाला सुरूवात झाली आहे. 

दिल्लीमध्ये संसदेत आज (1 फेब्रुवारी) अर्थसंकल्प सादर होणार आहे. पंतप्रधान नरेंद्र मोदी अर्थसंकल्पाच्या वाचनाला सुरूवात होण्यापूर्वी संसदेमध्ये पोहचले आहेत.

आज 11 वाजता लोकसभेत अर्थमंत्री निर्मला सीतारमण अर्थसंकल्प वाचायला सुरूवात करणार आहेत. यासाठी बजेटची कागदपत्र संसदेमध्ये दाखल झाली आहेत.

आज अर्थमंत्री निर्मला सीतारमण संसदेमध्ये 11 वाजता बजेट सादर केलं आहे. दरम्यान यापूर्वी मोदी सरकारच्या कॅबिनेटची बैठक सकाळी 10.15 वाजता होणार आहे. त्यानंतर अर्थमंत्री लोकसभेत येणार आहेत. 

आज बजेट सादर होण्यापूर्वी सेन्सेक्स 140 पॉईंट्सने कोसळून 40,576  आला आहे. तर निफ्टी 126 .50 ने कोसळून 11,910 वर पोचहचला आहे.

लाल  लेदर बॅगेची प्रथा मोडत यंदाही अर्थमंत्री निर्मला सीतारमण यांनी 'Bahi-Khata'म्हणजेच लाल  कापडामध्ये गुंडाळून यंदाच्या बजेटची कागदपत्र आणली आहेत.

आज 11 वाजता लोकसभेत अर्थसंकल्प सादर करण्यापूर्वी Ministry of Finance मध्ये पोहचल्या आहेत.