Land For Jobs Scam: लालू प्रसाद यादव, पत्नी राबडी देवी आणि तेजस्वी यादव यांच्या विरोधात CBI द्वारे आरोपपत्र दाखल, 'लँड फॉर जॉब' घोटाळा प्रकरण
2004-2009 मध्ये यूपीए सरकारमध्ये लालू प्रसाद यांच्या रेल्वे मंत्री असताना रेल्वेने नियम आणि प्रक्रियेचे उल्लंघन करून कोणतीही जाहिरात किंवा सार्वजनिक सूचना न देता पसंतीच्या लोकांची नियुक्ती केल्याचा आरोप सीबीआयने केला आहे.
केंद्रीय अन्वेषण विभागाने (CBI) बिहारचे उपमुख्यमंत्री तेजस्वी यादव (Tejasvi Yadav) आणि माजी रेल्वे मंत्री लालू प्रसाद यादव (Lalu Prasad Yadav) आणि माजी मुख्यमंत्री राबडी देवी यांच्या विरोधात जमीन घोटाळ्याप्रकरणी (Land For Scam) आरोपपत्र दाखल केले आहे. अधिकाऱ्यांनी सोमवारी ही माहिती दिली. या प्रकरणातील हे दुसरे आरोपपत्र असून त्यात आणखी 14 जणांची नावे असल्याचे त्यांनी सांगितले. या प्रकरणातील पहिले आरोपपत्र दाखल झाल्यानंतर समोर आलेली कागदपत्रे आणि पुराव्यांच्या आधारे हा गुन्हा दाखल करण्यात आल्याचे अधिकाऱ्यांनी सांगितले. (हेही वाचा - President Draupadi Murmu On Vidharbha Visit: राष्ट्रपती द्रौपदी मुर्मू विदर्भ दौऱ्यावर; नागपूरसह गडचिरोलीतील कार्यक्रमांना उपस्थित राहणार)
अधिका-यांनी सांगितले की यादव कुटुंबातील सदस्यांव्यतिरिक्त, सीबीआयने या प्रकरणात एके इन्फोसिस्टम आणि अनेक मध्यस्थांचीही नावे घेतली आहेत. सीबीआयच्या विशेष न्यायालयात आरोपपत्र दाखल करण्यात आले. प्राथमिक अहवाल दाखल होईपर्यंत आरोपींच्या कथित भूमिकेचा तपास पूर्ण होऊ न शकल्याने दुसरे आरोपपत्र दाखल करण्यात आल्याचे अधिकाऱ्यांनी सांगितले.
2004-2009 मध्ये यूपीए सरकारमध्ये लालू प्रसाद यांच्या रेल्वे मंत्री असताना रेल्वेने नियम आणि प्रक्रियेचे उल्लंघन करून कोणतीही जाहिरात किंवा सार्वजनिक सूचना न देता पसंतीच्या लोकांची नियुक्ती केल्याचा आरोप सीबीआयने केला आहे. एजन्सीच्या म्हणण्यानुसार, रेल्वेत नोकरीच्या बदल्यात, उमेदवारांनी थेट किंवा अप्रत्यक्षपणे लालू प्रसाद यांच्या कुटुंबातील सदस्यांना बाजारभावापेक्षा खूपच कमी दराने जमीन विकली होती असा आरोप आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)