Karnataka Liquor Bet Death: अरे बापरे! 5 बाटल्या दारू प्याल्याने युवकाचा मृत्यू, 10,000 रुपयांची पैज ठरली जीवघेणी
Alcohol Poisoning News: कर्नाटकातील एका 21 वर्षीय तरुणाचा मित्रांसोबत 10,000 रुपयांच्या पैजेत थेट पाच दारूच्या बाटल्या प्यायल्याने मृत्यू झाला. डब्ल्यूएचओ चेतावणी देतो की अल्कोहोलच्या सेवनाची कोणतीही सुरक्षित पातळी नाही.
Man Dies Alcohol Overdose: कर्नाटक राज्यातील कोलार जिल्ह्यातील एक 21 वर्षीय युवक 10,000 रुपयांच्या पैजेसाठी पाच बाटल्या फुल दारु, ती सुद्धा पाणी न मिसळता प्याल्यामुळे मृत्यूमुखी (Karnataka Liquor Bet Death) पडल्याची धक्कादायक घटना समोर आली आहे. मृत युवकाचे नाव कार्तिक असून त्याच्या मित्रांनी ही पैज लावल्याची माहिती पोलिसांनी दिली. कार्तिकने आपल्या मित्रांना — वेंकटा रेड्डी, सुब्रमणी आणि इतर तीन जणांना — सांगितले की तो पाच फुल बाटल्या सरळ पिऊ शकतो. त्यावर वेंकटा रेड्डीने त्याला Rs 10,000 देण्याचे आव्हान दिले. कार्तिकने दारू पिऊन दाखवले पण काही वेळातच त्याची प्रकृती गंभीर झाली. त्याला कोलार जिल्ह्यातील मुलबागलमधील रुग्णालयात दाखल करण्यात आले, मात्र उपचारादरम्यान त्याचा मृत्यू झाला.
पोलिसांनी दिलेल्या माहितीनुसार, कार्तिक विवाहीत होता. केवळ एक वर्षापूर्वीच त्याचा विवाह झाला होता. त्याच्या पत्नीने केवळ आठ दिवसांपूर्वीच बाळाला जन्म दिला आहे. वडील होण्याचा आनंद कार्तिकला आठ दिवसही टिकवता आला नाही. चुकीच्या गोष्टीसाठी लावलेली पैज त्याच्या जीवावर बेतली. दारु पिण्याच्या नादात त्याचा मृत्यू झाला. (हेही वाचा, Ujjain Liquor Ban: Ujjain Liquor Ban: कालभैरव मद्यार्पण परंपरा सरकारी धोरणामुळे खंडीत? दारुबंदी धोरणाचा फटका)
सहा जणांवर गुन्हा दाखल, दोघांना अटक
कार्तिक याच्या मृत्यूनंतर नंगली पोलीस ठाण्यात वेंकटा रेड्डी, सुब्रमणी आणि इतर चार जणांविरोधात गुन्हा दाखल करण्यात आला आहे. वेंकटा रेड्डी आणि सुब्रमणी यांना अटक करण्यात आली असून उर्वरित आरोपींचा शोध सुरू आहे.
| नाव | स्थिती |
|---|---|
| वेंकटा रेड्डी | अटकेत |
| सुब्रमणी | अटकेत |
| इतर 3 आरोपी | पसार |
| कार्तिक (पीडित) | मृत |
WHO चा इशारा: दारूचे कोणतेही प्रमाण सुरक्षित नाही
जागतिक आरोग्य संघटनेने (WHO) अनेकदा स्पष्टपणे म्हटले आहे की, दारू पिण्याचे कोणतेही प्रमाण सुरक्षित मानले जाऊ शकत नाही. त्यांच्या आकडेवारीनुसार दरवर्षी सुमारे 2.6 दशलक्ष लोकांचा मृत्यू दारूमुळे होतो, जे जगभरातील एकूण मृत्यूंपैकी 4.7% आहेत. (हेही वाच, Wife Drinking Alcohol and Divorce Case: 'पत्नीचे केवळ दारू पिणे ही पतीवर क्रूरता नाही...'; घटस्फोटप्रकरणी Allahabad High Court ची मोठी टिप्पणी)
पाठिमागच्या वर्षी म्हणजेच 2023 मध्ये प्रसिद्ध झालेल्या WHO च्या अहवालानुसार, दारूच्या वापरामुळे होणारे कर्करोगसंबंधित परिणाम पहिल्याच थेंबापासून सुरू होतात आणि यासाठी कोणतेही सुरक्षित मर्यादा पातळी अस्तित्वात नाही.
WHO युरोप क्षेत्रीय कार्यालयातील सल्लागार डॉ. कॅरिना फरेरा-बॉर्जेस यांनी एकदा सांगितले की, 'आपण दारू वापरासाठी कोणतीही सुरक्षित मर्यादा निश्चित करू शकत नाही. तुम्ही कितीही कमी प्यालं, दुष्परिणाम सुरू होतात. आणि जसे-जसे प्यायचे प्रमाण वाढते, तसतसे आरोग्यावरचे धोकेही वाढतात'
| आकडेवारी / निरीक्षण | तपशील |
|---|---|
| दारूमुळे होणारे वार्षिक मृत्यू | 2.6 दशलक्ष |
| जागतिक मृत्यूंपैकी वाटा | 4.7% |
| दारू पिण्याची सुरक्षित मर्यादा | नाही |
| दारूमुळे होणारे कर्करोगजन्य परिणाम | पहिल्या थेंबापासून सुरू होतात |
| सौम्य/मध्यम प्रमाणातील फायदे आणि धोके | फायदे कर्करोग धोके ओलांडू शकत नाहीत |
ही घटना केवळ बेफिकिरीने घेतलेल्या पैजांचा धोका नव्हे तर दारूच्या आरोग्यावर होणाऱ्या परिणाम दर्शवते. पोलीस तपास सुरू असून, आरोग्य तज्ज्ञ वारंवार सांगतात की, दारूपासून लांब राहणे हेच सुरक्षित आरोग्यासाठी उत्तम पर्याय आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)