Indian Drugs Smuggler Killed In California: कॅलिफोर्नियामध्ये भारतीय ड्रग्स तस्कर ठार, बिश्नोई टोळीने स्वीकारली जबाबदारी

Indian Drugs Smuggler Killed In California: अंमली पदार्थ तस्कर सुनील यादव (Sunil Yadav) ची अमेरिकेत गोळ्या घालून हत्या (Murder) करण्यात आली. आता या हत्येमागील कथा आणि पात्रे समोर आली आहेत. सुनील यादवची हत्या लॉरेन्स बिश्नोई टोळीने (Lawrence Bishnoi Gang) केली होती. खुद्द लॉरेन्स गँगने सोशल मीडियाच्या माध्यमातून याची कबुली दिली आहे. अमेरिकेतील कॅलिफोर्नियातील स्टॉकटन शहरात ड्रग्ज तस्कर सुनील यादवची गोळ्या झाडून हत्या करण्यात आली होती.

सुनील यादवला ज्वेलर्सच्या हत्येप्रकरणी अटक -

सुनील पाकिस्तानमार्गे भारतात ड्रग्ज पुरवत असे. काही वर्षांपूर्वी 300 कोटी रुपयांचे ड्रग्ज जप्त करण्यात आले होते, या प्रकरणातही सुनील यादवचे नाव पुढे आले होते. मीडिया रिपोर्ट्सनुसार, सुनील यादव दोन वर्षांपूर्वी बनावट पासपोर्टच्या मदतीने अमेरिकेला गेला होता, त्यादरम्यान त्याने आपले नाव बदलून राहुल ठेवले. यापूर्वी सुनील दुबईत राहत होता, तेथून राजस्थान पोलिसांनी सुनीलला अटक करून देशात परत आणले होते. राजस्थानच्या गंगानगर जिल्ह्यातील पंकज सोनी या ज्वेलर्सच्या हत्येप्रकरणी त्याला अटक करण्यात आली होती, मात्र तो जामिनावर बाहेर होता. (हेही वाचा -Lawrence Bishnoi Gang: बाबा सिद्दीकीच्या हत्येनंतर पुण्यातील आणखी एक नेता होता लॉरेन्स बिश्नोई टोळीच्या रडारवर; मुंबई पोलिसांचा खुलासा)

कॅलिफोर्निया पोलीस करत आहेत हत्येचा तपास -

तथापि, कॅलिफोर्निया पोलीस आणि भारतीय अधिकारी आता सुनील यादवच्या हत्येचा तपास करत आहेत. भारतातून अमेरिकेत पळून गेल्यानंतर अनेक वर्षांनी त्याची गोळ्या घालून हत्या करण्यात आली. (हेही वाचा - Gangster Lawrence Bishnoi: बिश्नोई टोळीचे दाऊद इब्राहिमप्रमाणे नेटवर्क, लॉरेन्सला ताब्यात घेणे मुंबई पोलिसांना जाणार कठीण)

लॉरेन्स बिश्नोईच्या सहकाऱ्याने घेतली हत्येची जबाबदारी -

तुरुंगात बंद गँगस्टर लॉरेन्स बिश्नोईचा जवळचा गँगस्टर रोहित गोदारा उर्फ ​​गोल्डी ब्रार याने सुनील यादवच्या गोळीबारात मृत्यूची जबाबदारी स्वीकारली आहे. त्यांच्या मते हे सूडाचे कृत्य होते. सुनील यादव, मूळचा पंजाबमधील फाजिल्का जिल्ह्यातील अबोहरचा, एकेकाळी लॉरेन्स बिश्नोई आणि गोदाराच्या जवळचा मानला जात होता, परंतु अंकित भादूच्या हत्येनंतर तो त्यांच्या विरोधात गेला होता. रोहित गोदाराने आपल्या निवेदनात म्हटले आहे की, आपला भाऊ अंकित भादू याला चकमकीत मारले जावे यासाठी त्याने पंजाब पोलिसांसोबत काम केले होते. त्यामुळे आम्ही बदला घेतला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)