Bye-election 2025: चार राज्यांमधील 5 विधानसभा जागांसाठी पोटनिवडणुकांची घोषणा; पहा वेळापत्रक
भारतीय निवडणूक आयोगाने गुजरात, केरळ, पंजाब आणि पश्चिम बंगालमधील 5 विधानसभा जागांवर होणाऱ्या पोटनिवडणुकांची तारीखही जाहीर केली आहे. या पाचही जागांवर 19 जून रोजी मतदान होणार आहे. तसेच 23 जून रोजी मतमोजणी होणार आहे.
Bye-election 2025: देशातील चार राज्यांमधील पाच विधानसभा जागांवर पोटनिवडणुका (Bye-election 2025) जाहीर झाल्या आहेत. निवडणूक आयोगाने (Election Commission of India) अधिसूचना जारी करून ही माहिती दिली आहे. भारतीय निवडणूक आयोगाने गुजरात, केरळ, पंजाब आणि पश्चिम बंगालमधील 5 विधानसभा जागांवर होणाऱ्या पोटनिवडणुकांची तारीखही जाहीर केली आहे. या पाचही जागांवर 19 जून रोजी मतदान होणार आहे. तसेच 23 जून रोजी मतमोजणी होणार आहे.
या पाच जागांवर पोटनिवडणूक -
गुजरातमधील दोन विधानसभेच्या जागांवर पोटनिवडणुका होणार आहेत. आमदार करसनभाई पंजाबभाई सोलंकी यांच्या निधनानंतर पोटनिवडणूक होत आहे. याशिवाय, भयानी भूपेंद्रभाई गंडूभाई यांच्या राजीनाम्यामुळे राज्यातील विसावदर जागेवरही पोटनिवडणूक होत आहे. तसेच पी व्ही अन्वर यांच्या राजीनाम्यानंतर केरळच्या निलांबूर जागेवर पोटनिवडणूक होत आहे. त्याच वेळी, विद्यमान सदस्य गुरप्रीत बस्सी गोगी यांच्या निधनामुळे पंजाबमधील लुधियाना पश्चिम जागेवर पोटनिवडणूक होणार आहे. पश्चिम बंगालमधील कालीगंज विधानसभा जागेवरील पोटनिवडणूक विद्यमान विधानसभा सदस्य नसिरुद्दीन अहमद यांच्या निधनामुळे घेण्यात येणार आहे. (हेही वाचा - जपानला मागे टाकत भारत जगातील चौथी सर्वात मोठी अर्थव्यवस्था; NITI Aayog CEO BVR Subrahmanyam यांची घोषणा (Watch Video))
5 विधानसभा मतदारसंघांच्या पोटनिवडणुकीचे वेळापत्रक -
दरम्यान, पोटनिवडणुकीची घोषणा होण्यापूर्वीच, गुजरात काँग्रेस अध्यक्ष शक्ती सिंह गोहिल यांनी घोषणा केली होती की, पक्ष त्यांच्या इंडिया ब्लॉक मित्र पक्ष आम आदमी पार्टी (आप) सोबत भागीदारी न करता विसावदर आणि काडी विधानसभा जागांवर स्वतंत्रपणे पोटनिवडणुका लढवेल. राज्यातील मागील निवडणुकीच्या ट्रेंडचे विश्लेषण केल्यानंतर हा निर्णय एकमताने घेण्यात आल्याचे गोहिल यांनी स्पष्ट केले. (हेही वाचा - सरन्यायाधीशांच्या भेटीदरम्यान प्रोटोकॉलचे उल्लंघन केल्याबद्दल महाराष्ट्रातील अधिकाऱ्यांवर कारवाई करण्याची मागणी; सर्वोच्च न्यायालयाने फेटाळली याचिका, ठोठावला 7,000 रुपयांचा दंड)
लुधियाना पश्चिम जागेवर काँग्रेस-आपमध्ये लढत -
तथापि, काँग्रेस पक्षाने पंजाबमधील लुधियाना पश्चिम जागेवरील पोटनिवडणुकीसाठी भारत भूषण आशु यांना उमेदवार म्हणून घोषित केले होते. पोटनिवडणूक लढवण्याच्या त्यांच्या उमेदवारीला काँग्रेसचे अध्यक्ष मल्लिकार्जुन खरगे यांनी मान्यता दिली. एआयसीसीच्या प्रेस रिलीजमध्ये म्हटले आहे की, 'काँग्रेस अध्यक्ष मल्लिकार्जुन खरगे यांनी 64-लुधियाना पश्चिम मतदारसंघातून पंजाब विधानसभेच्या पोटनिवडणुकीसाठी पक्षाचे उमेदवार म्हणून भारत भूषण आशु यांच्या उमेदवारीच्या प्रस्तावाला मान्यता दिली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)