Air India Express Freedom Sale: अवघ्या 1,947 रुपयांत विमान प्रवास करण्याची संधी; एअर इंडिया एक्सप्रेसने सादर केला 'फ्रीडम सेल', जाणून घ्या काय आहे ऑफर
ग्राहकांना एक्सक्लुझिव्ह झिरो-चेक-इन बॅगेज एक्स्प्रेस लाइट भाड्याचा लाभही मिळू शकेल. एक्सप्रेस लाइट भाड्यात, 3 किलो केबिन बॅगेजची प्री-बुकिंग सुविधा कोणत्याही अतिरिक्त शुल्काशिवाय उपलब्ध आहे.
Air India Express Freedom Sale: स्वातंत्र्य दिनानिमित्त टाटा समूहाच्या एअर इंडिया एक्सप्रेसने (Air India Express) 'फ्रीडम सेल' (Freedom Sale) सुरू केला आहे. स्वातंत्र्याच्या 77 वर्षांच्या स्मरणार्थ, एअरलाइन प्रवाशांना केवळ 1947 रुपयांमध्ये विमानाने प्रवास करण्याची संधी देत आहे. एअरलाइन प्रवाशांना त्यांच्या 15 आंतरराष्ट्रीय आणि 32 देशांतर्गत मार्गांवर स्वस्त तिकिटे बुक करण्याची संधी देत आहे. त्यात दिल्ली-जयपूर, बेंगळुरू-गोवा, दिल्ली-ग्वाल्हेर या मार्गांचाही समावेश आहे. हा सेल 5 ऑगस्ट 2024 पर्यंत ग्राहकांसाठी खुला आहे. प्रवासी 20 ऑगस्ट ते 30 सप्टेंबर 2024 दरम्यान प्रवासासाठी बुकिंग करू शकतात. ऑफरचा लाभ घेण्यासाठी हवाई प्रवाशांना 5 ऑगस्टपूर्वी त्यांचे बुकिंग करावे लागेल.
कंपनीच्या वेबसाइट आणि ॲपवर लॉग इन केलेल्या सदस्यांसाठी एअर इंडिया एक्सप्रेस बिझ आणि प्राइम सीट्स, गोरमायर हॉट मील्स आणि ॲड-ऑन पॅकवर 47% पर्यंत सूट मिळू शकते. ऑफर तपशील आणि T&C साठी, कृपया http://airindiaexpress.com ला भेट द्या.
पहा पोस्ट-
ग्राहकांना एक्सक्लुझिव्ह झिरो-चेक-इन बॅगेज एक्स्प्रेस लाइट भाड्याचा लाभही मिळू शकेल. एक्सप्रेस लाइट भाड्यात, 3 किलो केबिन बॅगेजची प्री-बुकिंग सुविधा कोणत्याही अतिरिक्त शुल्काशिवाय उपलब्ध आहे. तसेच, देशांतर्गत उड्डाणांमध्ये, प्रवासी 1000 रुपये देऊन 15 किलोचे सामान घेऊन जाऊ शकतात आणि आंतरराष्ट्रीय फ्लाइटमध्ये ते 1300 रुपये देऊन 20 किलो सामान घेऊन जाऊ शकतात. (हेही वाचा: Subsidised Tomatoes: सर्वसामान्यांना दिलासा! उद्यापासून दिल्ली-एनसीआर, मुंबईमध्ये सुरु होणार 50 रुपये किलो दराने अनुदानित टोमॅटोची विक्री)
दरम्यान, इराणमध्ये हमासचा सर्वोच्च नेता इस्माईल हनिया याच्या हत्येनंतर पश्चिम आशियात तणाव शिगेला पोहोचला आहे. हानियाच्या मृत्यूचा बदला घेण्यासाठी इराणने इस्रायलवर हल्ला करण्याची धमकी दिली आहे. इस्रायल हाय अलर्टवर आहे. अशी परिस्थिती पाहता भारतीय विमान कंपनी एअर इंडियाने भारत आणि इस्रायलची राजधानी तेल अवीव दरम्यान चालणारी विमानसेवा बंद करण्याचा निर्णय घेतला आहे. तेल अवीव येथून येणारी आणि येथून तेल अवीवकडे जाणारी विमानसेवा सध्या 8 ऑगस्ट 2024 पर्यंत बंद आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)